Ukrainiec pierajezd na PMŽ u Biełaruś pačaŭ sa sproby dać chabar mytniku
Vypadak sproby davańnia chabaru spynieny ŭ aŭtadarožnym punkcie propusku «Novaja Rudnia» supracoŭnikami Homielskaj mytni.
Jak paviedamiŭ pres-sakratar Homielskaj mytni Viačasłaŭ Dajminski, 9 lipienia pry praviadzieńni mytnaha kantrolu lehkavoha aŭtamabila «Fijat», jaki ŭjazdžaŭ na terytoryju Mytnaha sajuza pa čyrvonym kalidory, hramadzianinu Ukrainy było prapanavana zadekłaravać tavary. Da ahladu transpartnaha srodku ŭkrainiec zajaviŭ, što pieramiaščaje asabistyja rečy vahoj 400 kiłahramaŭ z metaj pierasialeńnia na pastajannaje miesca žycharstva. Razam z tym dakumientaŭ z paćviardžeńniem pierasialeńnia na PMŽ u jaho nie było.
Hramadzianinu była vydanaja pasažyrskaja mytnaja dekłaracyja i rastłumačany paradak jaje zapaŭnieńnia pry pieramiaščeńni tavaraŭ dla asabistaha karystańnia.
Paśla taho jak vadziciel padaŭ dekłaracyju na tavary, u jaho pašparcie była znojdziena hrašovaja kupiura naminałam 50 dołaraŭ. U takuju sumu ŭkrainiec acaniŭ uvoz asabistaj majomaści z parušeńniem patrabavańniaŭ mytnaha zakanadaŭstva.
Uličvajučy najaŭnaść papieradžalnaj infarmacyi ab niedapuščalnaści pakidańnia hrašovych srodkaŭ u dakumientach, hetyja dziejańni byli rascenienyja inśpiektaram jak davańnie chabaru słužbovaj asobie mytnaha orhana. U punkt propusku byli vyklikanyja supracoŭniki adździeła ŭłasnaj biaśpieki mytni i apieratyŭnaja hrupa rajonnaha adździeła ŭnutranych spraŭ, jakimi byli praviedzieny nieabchodnyja pracesualnyja dziejańni.
Z pačatku hoda supracoŭnikami mytni praduchilena 115 sprobaŭ podkupu słužbovych asobaŭ.
Što zapisana aficyjnaj pryčynaj śmierci adzinaha syna Jarmošynaj?7
Kamientary