Mižnarodnaja fiederacyja handboła abnarodavała składy karzin pierad losavańniem finalnaj častki čempijanatu śvietu-2015 u Katary.
Zbornaja Biełarusi trapiła ŭ čaćviortuju pa sile karzinu razam z kamandami Aŭstryi, Arhienciny i Čechii.
Składy astatnich pułaŭ:
1 — Ispanija, Francyja, Danija, Charvatyja;
2 — Bośnija i Hiercahavina, Polšča, Šviecyja, Słavienija;
3 — Rasija, Katar, Makiedonija, Ałžyr;
5 — Tunis, Jehipiet, Brazilija, Bachrejn;
6 — Iran, AAE, Čyli, Hiermanija.
Losavańnie finalnaha turniru suśvietnaha pieršynstva 2015 hoda adbudziecca 20 lipienia ŭ katarskaj stalicy horadzie Docha. Na papiarednim etapie 24 jaho ŭdzielniki buduć padzieleny na 4 hrupy pa 6 kamand u kožnaj. Paśla zaviaršeńnia hrupavoha raŭnda baraćbu za ŭznaharody pradoŭžać pa 4 lepšyja zbornyja z kožnaha sieksteta.
Biełaruskija handbalisty treci raz u svajoj historyi zhulajuć u liku lepšych družyn płaniety. U 1995 hodzie biełarusy, jakich treniravaŭ Spartak Miranovič, zaniali 9-je padahulniajučaje miesca, a na minułym suśvietnym pieršynstvie, jakoje prachodziła ŭ 2013 hodzie ŭ Ispanii, kamanda pad kiraŭnictvam Juryja Šaŭcova finišavała 15-j, ustupiŭšy ŭ 1/8 finału charvatam (24:33), što paśla stali ŭładalnikami bronzavych miedaloŭ. Dziejučym čempijonam śvietu źjaŭlajecca ispanskaja zbornaja, jana pieramahła ŭ vyrašalnym pajadynku za załatuju ŭznaharodu datčan (35:19).
Hety suśvietny čempijanat projdzie ŭ studzieni 2015 hoda.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim11
Kamientary