Salihorskim mižrajonnym kamitetam dziaržaŭnaha kantrolu praviedzienaja pravierka AAT «Słucki syrarobny kambinat», padčas jakoj ustanoŭlenyja šerah parušeńniaŭ dziejnaha zakanadaŭstva.
Jak paviedamlajecca na sajcie UUS Minabłvykankama, słužbovymi asobami AAT nie zabiaśpiečanaje vykanańnie aktaŭ zakanadaŭstva, jakija rehulujuć źniešnieekanamičnuju dziejnaść, nie vykarystanyja ŭ poŭnaj miery paŭnamoctvy pa achovie ekanamičnych intaresaŭ pradpryjemstva i jaho filijałaŭ, pryniatyja da vykanańnia novyja dahavornyja ŭmovy pa adhruzcy pradukcyi pradaŭcom biez uliku najaŭnaści niavykananych umoŭ z boku pakupnika, što pryviało da ŭźniknieńnia praterminavanaj debitorskaj zavinavačanaści bolš jak na 60 młn. rasijskich rubloŭ.
Akramia taho, u orhany dziaržaŭnaj statystyki kambinatam była padadzienaja forma dziaržaŭnaj statystyčnaj spravazdačnaści, jakaja źmiaščaje skažonyja źviestki pra najaŭnaść ukazanaj praterminavanaj zavinavačanaści.
Ustanoŭlena taksama, što słužbovyja asoby pradpryjemstva, majučy pastajanny popyt na vyrablenuju pradukcyju i mahčymaść realizoŭvać jaje pa rynkavych cenach u handlovyja sietki roznych subjektaŭ haspadarańnia, stvaryli spryjalnyja ŭmovy dla inšaj kamiercyjnaj arhanizacyi šlacham davańnia joj skidak i pieradačy častki pastajannych pakupnikoŭ. Tak, z maja 2013 hoda pa studzień 2014 hoda pry ŭmovie realizacyi pradukcyi naŭprost pakupnikam tavarystva atrymała b dadatkovuju vyručku bolš jak 1,7 młrd. rubloŭ.
Pavodle vynikaŭ pravierki ŭ dačynieńni da asobnych słužbovych asob AAT «Słucki syrarobny kambinat» raspačataja sprava na padstavie č. 3 art. 426 KK (pieravyšeńnie ŭłady ci słužbovych paŭnamoctvaŭ).
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi2
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary