Košt navinki budzie nie vyšejšy za košt hibrydnych madelaŭ.
Pra heta zajaviŭ vice-prezident kancerna Daimler, u skład jakoha ŭvachodzić Mercedes-Benz, Hierbiert Koler.
«Pieršapačatkova my źbiralisia vyjści z takim aŭtamabilem na rynak u 2014—15 hh. Ale ŭ minułym hodzie my vyrašyli zekanomić vydatki i skaapieravacca dla raspracoŭki siłavoj ŭstanoŭki na vadarodnych paliŭnych jačejkach z kampanijami Nissan i Ford. Tamu vypusk navinki pieraniesieny na 2017 hod», — rastłumačyŭ Koler.
Jon taksama adznačyŭ, što košt vadarodnaj madeli Mercedes pakul nie vyznačany, ale padkreśliŭ, što jana budzie supastaŭnaja z cenami na hibrydnyja aŭtamabili.
Raniej paviedamlałasia, što kampanija Toyota źbirajecca pačać sieryjnuju vytvorčaść mašyn na novych paliŭnych jačejkach u 2015 hodzie.
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary