Pahrozy epidemijałahičnaj situacyi ŭ Biełarusi ŭ suviazi z uspyškaj lichamanki Eboła ŭ Zachodniaj Afrycy nie nazirajecca, zajaviła BiełTA namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Biełarusi Ina Karaban.
Pačynajučy z sakavika biahučaha hoda Ministerstva achovy zdaroŭja pravodzić kompleks mier dla papiaredžańnia zavozu i raspaŭsiudžvańnia lichamanki Eboła na terytoryi krainy.
Na dziaržmiažy viadziecca sanitarna-karancinny kantrol asob z vykarystańniem pryład dla dystancyjnaj termamietryi (ciepłavizaraŭ).
Pry vyjaŭleńni ŭ čałavieka vysokaj tempieratury jaho izalujuć dla praviadzieńnia dalejšych mierapryjemstvaŭ.
Taksama śpiecyjalisty apytvajuć asob, jakija pierasiakajuć miažu, ab stanie zdaroŭja, źviartajučy ŭvahu na najaŭnaść takich skarhaŭ, jak vysokaja tempieratura, bol hałavy i ciahlic, słabaść, kašal, dychavica, bol u hrudziach, kryvacioki, a taksama znachodžańnie na niespryjalnych nakont lichamanki Eboła terytoryjach (Hviniei, Libieryi, Śjera-Leone i inš.).
Akramia taho, zabiaśpiečanaja hatoŭnaściu miedycynskaj słužby aeraporta da arhanizacyi supraćepidemičnych mierapryjemstvaŭ.
Anałahičnyja miery ažyćciaŭlajucca i ŭ Rasii, zajaviła kiraŭnik Rasspažyŭnahladu Hanna Papova.
Pieršaja ŭspyška lichamanki Eboła była zarehistravanaja ŭ Afrycy ŭ 1976 hodzie. Tady latalnaść ŭ vyniku hetaha zachvorvańnia skłała 72%.
Zachvorvańnie było vyjaŭlena na bierazie raki Eboła (adsiul nazva) u Zairy (ciapier — Demakratyčnaja respublika Konha).
Uspyška lichamanki, jakaja adznačajecca zaraz, adbyłasia ŭ Zachodniaj Afrycy i ŭpieršyniu zakranuła haradskoje nasielnictva. Śmiarotnaść u vypadku zachvorvańnia składaje ad 60% da 90%. Inkubacyjny pieryjad doŭžycca 21 dzień.
Na karcie — vyjaŭlenyja vypadki zachvorvańnia lichamankaj Eboła ŭ Jevropie.
Infiekcyja pieradajecca praz kroŭ, vadkaści arhanizma i tkaniny inficyravanych žyvioł abo ludziej.
U čałavieka, jaki zaraziŭ virusam Eboła, časta źjaŭlajucca lichamanka, mocnaja słabaść, bol ciahlic i hałaŭny bol, młosnaść i boli ŭ horle. Potym — vanity, dyjareja, parušeńnie funkcyj nyrak i piečani i, u niekatorych vypadkach, unutrany i vonkavy kryvaciok.
Vakcyna ad chvaroby Eboła pakul nie stvorana.
Ciapier čytajuć
Łukašenka: U 2020 hodzie kala Pałaca Niezaležnaści nie pakistancy biehali18
Kamientary