«Kommiersant»: Vydzialeńnie stabilizacyjnaha kredytu Biełarusi — palityka, a nie kamercyja
Biełaruś raźličvaje atrymać ad Rasiei biudžetny kredyt u pamiery $1,5 młrd na niekamercyjnych umovach, prapanujučy ŭzamien palityčnyja sastupki.
Pra raźlik Biełarusi atrymać ad Rasiei biudžetny kredyt u pamiery $1,5 młrd pavodle staŭki LIBOR plus 0,75%, paviedamiŭ učora ministar finansaŭ Biełarusi Mikałaj Korbut, piša rasiejski «Kommiersant». Pavodle vydańnia, u Biełarusi taki kredyt nazyvajuć «kamercyjnym z panižanaj maržoj». Rasiejskija eksperty, siarod jakich Alaksiej Maisiejeŭ z «Rieniessans Kapitała», Julija Caplajeva z Merrill Lynch dy Alaksandar Kudryn z «Trojki Diałoh», nazyvajuć uhodu niekamercyjnaj i palityčnaj. Pavodle ich, na takija ŭmovy moža raźličvać subjekt ź jakasna lepšym kredytnym rejtynham, jak u Biełarusi.
Biełaruś prademanstravała hatoŭnaść da peŭnych palityčnych sastupak. M. Korbut paviedamiŭ miž inšym, što adnym z zachadaŭ suprać uviedzienych u dačynieńni da «Biełnaftachimu» z boku ZŠA sankcyjaŭ moža stać pieravod handlu naftaj z Rasiejaj na rasiejskija rubli.
Varta adznačyć, što ŭ Minfinie RF pakul nie kamentujuć pamier staŭki, sumu i termin viartańnia kredytu. Tam čakajuć kančatkovaj prapracoŭki ŭmovaŭ atrymańnia kredytu i zaklučeńnia adpaviednaj damovy.
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA21
Žonka Hałyhina adśviatkavała pad Minskam dzień naradžeńnia ŭ ruskim styli — u kakošniku i z tortam-matroškaj ŠMAT FOTA
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach1515
Kamientary