Padrychtavany prajekt ukaza prezidenta ab mierach pa ŭdaskanaleńni pracy žyllova-kamunalnaj haspadarki. Jak paviedamiŭ na pres-kanfierencyi ŭ Minsku 12 žniŭnia ministr žyllova-kamunalnaj haspadarki Andrej Šorac, hety dakumient staŭ vynikam dziejnaści rabočaj hrupy pa prablemnych pytańniach ŽKH, stvoranaj pa daručeńni kiraŭnika dziaržavy.
«Hety ŭkaz uklučaje šerah prapanoŭ dla palapšeńnia pracy ŭ śfiery ŽKH. Vypracavana piać kirunkaŭ, jakija źjaŭlajucca kancentravanym vyražeńniem prapanoŭ: udaskanaleńnie dziaržaŭnaha kiravańnia i kantrolu ŭ žyllova-kamunalnaj haspadarcy, źnižeńnie zatrat pa akazańni ŽKP, pavyšeńnie ŭzroŭniu finansavaj i płacužnaj dyscypliny, udaskanaleńnie farmiravańnia cen i taryfaŭ na ŽKP, ustanaŭleńnie dadatkovaj adkaznaści za parušeńni ŭ śfiery ŽKH», — paviedamiŭ Šorac.
Pavodle jaho słoŭ, dla ŭdaskanaleńnia kiravańnia nieabchodna stvaryć adzinuju strukturu va ŭsich abłaściach. Funkcyi dziaržrehulavańnia buduć uskładzieny na ŭpraŭleńni žyllova-kamunalnaj haspadarki ŭ składzie abłvykankamaŭ, halinovaha kiravańnia — na znoŭ stvaranyja dziaržustanovy. Dla arhanizacyi kantrolu za techničnym stanam žyllovaha fondu prapanoŭvajecca pašyryć funkcyi Dziaržbudnahlada.
Šorac taksama paviedamiŭ, što adbyvajecca aptymizacyja norm pracy i namatyvaŭ kolkaści pracaŭnikoŭ. Užo vydadziena šeść novych halinovych narmatyŭnych zbornikaŭ, jakija rehłamientujuć vykanańnie rabot u śfiery ŽKH, u vyniku čaho normy i narmatyvy pracy i kolkaści rabotnikaŭ skaročanyja na 11—33%. «Taksama ŭ metach likvidacyi pasrednikaŭ pry akazańni ŽKP Minžyłkamhasam sumiesna ź Minenierha vypracavany ahulnyja padychody da ažyćciaŭleńnia pieradačy kamunalnych ciepłavych sietak na bałans DVA «Biełenierha», — paviedamiŭ Šorac. U kiravańnie Mintransa płanujecca pieradać puciepravody, masty, vulicy.
«Płanujecca ŭstanavić žorstki paradak finansavańnia ŽKH miascovymi vykanaŭčymi i rasparadčymi orhanami, ustanavić abaviazak vyznačeńnia ŭ zakonie ab respublikanskim biudžecie na čarhovy finansavy hod minimalnych narmatyvaŭ biudžetnaj zabiaśpiečanaści raschodaŭ pa finansavańni mierapryjemstvaŭ pa kapitalnym ramoncie žylla, trubapravodaŭ ciepłazabieśpiačeńnia, sietak vodazabieśpiačeńnia i kanalizacyi», — adznačyŭ kiraŭnik viedamstva.
Prapanoŭvajecca, što z 2015 hoda ŭsie płanava-raźlikovyja ceny buduć pierahledžany, zychodziačy ź pierahledžanych narmatyvaŭ kolkaści rabotnikaŭ pa asnoŭnych vidach pasłuh.
Šorac taksama paviedamiŭ, što zajaviŭ, što ŭ prahramu razićcia haliny zakładzieny adychod ad skryžavanaha subsidavańnia. «Bresckaja vobłaść pravodzić ekśpierymient pa admovie ad skryžavanaha subsidavania, i heta daje stanoŭčyja vyniki. My ličym, što ŭ 2015—2016 hadach halina ŽKH pavinna adyści ad skryžavanaha subsidavańnia i źnizić nahruzku na realny siektar ekanomiki», — skazaŭ Šorac.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary