Na špili stalinskaha vyšynnaha doma na Kacielnickaj nabiarežnaj u Maskvie ranicaj u sieradu vyviesili ŭkrainski ściah. Pra heta napisaŭ u tvitary fatohraf haziety «Iźviestija» Emin Kałantaraŭ.
Žurnalistaŭ paprasili pakinuć budynak, tam znachodziacca supracoŭniki palicyi i MNS, unutr nikoha nie puskajuć. Kala 10:00 (9:00 pa Minsku) ściah źniali.
Akramia taho, zorku, jakaja viančaje špil hmachu, pafarbavali ŭ žoŭta-błakitnyja kolery.
U adździeł palicyi «Tahanski» dastavili niekalkich maładych ludziej z alpinisckim ryštunkam, jakija mohuć być datyčnyja da hetaha.
Pa słovach krynicy ŭ ekstrannych słužbach, dastaŭlenyja ŭ palicyju — žychary Maskvy i Padmaskoŭja.
Kamientary