На шпілі сталінскага вышыннага дома на Кацельніцкай набярэжнай у Маскве раніцай у сераду вывесілі ўкраінскі сцяг. Пра гэта напісаў у твітары фатограф газеты «Известия» Эмін Калантараў.
Журналістаў папрасілі пакінуць будынак, там знаходзяцца супрацоўнікі паліцыі і МНС, унутр нікога не пускаюць. Каля 10:00 (9:00 па Мінску) сцяг знялі.
Акрамя таго, зорку, якая вянчае шпіль гмаху, пафарбавалі ў жоўта-блакітныя колеры.
У аддзел паліцыі «Таганскі» даставілі некалькіх маладых людзей з альпінісцкім рыштункам, якія могуць быць датычныя да гэтага.
Па словах крыніцы ў экстранных службах, дастаўленыя ў паліцыю — жыхары Масквы і Падмаскоўя.
Цяпер чытаюць
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары