Hałoŭnaja finansavaja ŭstanova krainy kamentuje infarmacyju pra deficyt eŭra ŭ abmiennych punktach.
Pavodle jaho słoŭ, pavieličeńnie popytu na jeŭra i niedachop jeŭrapiejskaj valuty ŭ bankaŭskich abmiennych punktach tłumačycca niekalkimi pryčynami. Pa-pieršaje, rostam kursu jeŭra. "Mnohija hramadzianie vyrašyli, što jeŭra zaraz pryvabny abjekt dla źbieražeńniaŭ. Chacia ŭ pieryjad rostu kursu lepš nie kuplać", — zaznačyŭ A.Drazdoŭ.
Na jaho dumku, u hetym znachodzić svajo adlustravańnie psichałohija ludziej. "Za minuły miesiac prodaž zołata ŭ źlitkach vyras bolš čym udvaja. Chacia ŭ minułym miesiacy zołata było samaje darahoje na praciahu hoda. Takaja psichałohija našych hramadzian: kali padaražeła, značyć treba brać", — kanstatavaŭ A.Drazdoŭ.
Akramia hetaha, zaznačyŭ jon, svoj upłyŭ maje nastupleńnie kaladnaha turystyčnaha siezona. U hety pieryjad mnohija ludzi vyjazdžajuć za miažu, i im taksama patrebna jeŭrapiejskaja valuta. Pry hetym A.Drazdoŭ nahadaŭ, što Polšča, Litva, Łatvija dałučajucca ŭ kancy śniežnia da šenhienskaj zony, tamu mnohija ludzi imknucca atrymać vizy pa starych koštach. "Kab atrymać vizu, treba pradjavić darožnyja čeki, jakija ludzi, u asnoŭnym, kuplajuć u jeŭra", — zaznačyŭ supracoŭnik Nacbanka.
Razam z tym u Nacbanku ŭpeŭnieny, što biełaruskija banki dastatkova chutka zadavolać pavyšany popyt na jeŭra. "Da niadaŭniaha času dola jeŭra ŭ ahulnym abjomie kuplajemaj valuty na rynku najaŭnaj valuty składała 11%, a dołara ZŠA — 80%", — zaznačyŭ A.Drazdoŭ.
Kamientary