Ech, Ernan!.. «Dynama» znoŭ razhromna prajhrała ŭ Lizie Jeŭropy

Pieršy chatni matč u hrupavym etapie Lihi Jeŭropy pa futbole minskaje «Dynama» pravodziła ź italjanskaj «Fijarencinaj». Naturalna, što biełaruski kłub maryŭ reabilitavacca paśla razhromnaj parazy dvuchtydniovaj daŭniny ad hrečaskaha PAOKa – 1:6.

Praŭda, pierad hulnioj «Dynama» sutyknułasia ź vialikimi kadravymi prablemami. Praz traŭmy vybyli z hulni viadučyja futbalisty kamandy – bramnik Alaksandr Hutar, abaronca Siarhiej Palicievič, paŭabaronca Čyhozie Udodžy. Asabliva važnaj źjaŭlajecca apošniaja strata, uvieś siezon Udodžy źjaŭlajecca styleŭtvaralnym hulcom «Dynama».

Matč prachodziŭ na «Barysaŭ-Arenie». Niajasna jašče, kali ŭ stalicy budzie stadyjon, kab prymać hulni takoha ŭzroŭniu.

Pakinuła žadać lepšaha zapaŭnialnaść stadyjona. Škada, bo nie kožny hod «Dynama» traplaje ŭ jeŭrakubki. Na trybunach prysutničała kala 6 tysiač hledačoŭ. Mahčyma, kamuści było daloka jechać da Barysava, kahości adpałochała lohkaje pachaładańnie.

Zatoje fan-siektar «Dynama», napeŭna, sabraŭ ci nie bolšuju ŭ siezonie kolkaść štychoŭ – kala tysiačy. Pierad pačatkam hulni jany praviali jaskravy pierformans, razharnuŭšy vializny banier.

Što tyčycca samoj hulni, to ad pačatku «Fijarencina» zavałodała terytoryjaj. Nie skazać, što italjancy źmiatali abaronu «Dynama», ale metanakiravana nahniatali atmaśfieru.

Vybuchnuła ŭsio na 33-j chvilinie, kali pamyłkaj bramnika Siarhieja Ihnatoviča skarystaŭsia zorny Albierta Akviłani. Futbalist zbornaj Italii biez santymientaŭ rasstrelvaŭ pustyja varoty – 0:1.

Paśla hetaha «Dynama» praviało najlepšy adrezak u matčy, jaki źmiaściŭ vydatny momant u Dziamande, a taksama sejv Teterušanu paśla supierudara Ihara Varankova. Śvistok na pierapynak byŭ jaŭna na karyść «Fijarenciny».

Druhi tajm «fijałki» (tak nazyvajuć italjanski kłub) taksama pačali z atak. Časam navat zabyvajučysia na abaronu.

52-oj chvilinaj fiksujecca samy jarki momant «Dynama». Ciemnaskury narviežac Adama Dziamande skraŭ miač u abaroncy «Fijarenciny», praciahnuŭ jaho da štrafnoj dy addaŭ vyvierany pas na ŭruhvajca Ernana Fihiereda. Pierad Ernanam adkryłasia vializnaja brama, ale ŭdar byŭ vyšej varot…

Voś i ŭsio. Na 61-aj i 69-aj chvilinach Iličyč i Biernardeski zrabili lik bujnym – 0:3.

Skažam ščyra, «Dynama» taki lik nie zasłuhoŭvała. Kamanda praviała dabrotny matč, navat pierajhrała supiernika pa ŭdarach pa varotach, ale kłas «Fijarenciny» ŭsio ž vyšej.

Nastupny matč «Dynama» praviadzie 23 kastryčnika z francuzskim «Hienhamam».

• 0
• 0
• 0
• 0
• 0
• 0
• 0
• 0