Biełaruskija repietytary zastalisia jašče biez adnaho zručnaha anłajn-instrumienta — Miro adklučaje karystalnikaŭ ź Biełarusi
Nie paśpieli biełaruskija vykładčyki adyści ad šoku praz stračanyja paśla atak na data-centry «Jandeksa» danyja, jak novaja biada.
Jak stała viadoma «Našaj Nivie», biełaruskija repietytary ciapier atrymlivajuć listy ad zamiežnaha servisu Miro (heta takaja biaskoncaja anłajn-doška, dzie vykładčyk moža raźmiaščać malunki, testy, schiemy, praktykavańni, tablicy — i adnačasova z vučniem pracavać nad usim hetym). Karani ŭ biznesa rasijskija, ale zaraz jon zarehistravany ŭ ZŠA.
Kampanija papiaredziła karystalnikaŭ, što z 15 kastryčnika Miro pašyraje śpis krain, dzie budzie dziejničać błakavańnie pa IP-adrasu — servis budzie niedasiažnym z terytoryi Biełarusi i Rasii.
U žniŭni 2024 hoda Miro užo abviaščała ab spynieńni absłuhoŭvańnia akaŭntaŭ ź Biełarusi i Rasii. Ale ŭžo ŭ vieraśni ŭdakładniła, što biaspłatnyja akaŭnty zmohuć praciahnuć pracu — pad abmiežavańni trapili tolki płatnyja padpiski.
Ciapier ža palityka kampanii stanovicca bolš strohaj. Tłumačycca heta sankcyjnymi ryzykami.
Pa acenkach surazmoŭcaŭ «Našaj Nivy», u Biełarusi Miro karystalisia kala 70% anłajn-repietytaraŭ. Ale ŭ hetym vypadku jany nie stračvajuć aptymizmu i kažuć, što ŭsio roŭna praciahnuć karystacca Miro, ale praz VPN.
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami
U Biełarusi pierastaŭ pracavać jašče adzin servis «Jandeksa»
«Jandeks Taksi» prypyniŭ padklučeńnie novych pieravozčykaŭ u Biełarusi
Ukrainskija drony atakavali bujny data-centr Śbierbanka ŭ Sarataŭskaj vobłaści
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju88
Kamientary
Vanituje ŭžo nazirać za ŭsim hetym cyrkam, kali biełaruskij kalij i rasijski dyziel jedzie ŭ Šataty, a biełaruskim i rasijskim repietytaram błakujuć dostup da niejkaha tam servisa.