Alaksandr Fiaduta pačaŭ pracu ŭ prestyžnym polskim univiersitecie
Litaraturaznaŭcu i eks-palitviaźnia paklikali navukovym supracoŭnikam u Jahiełonski ŭniviersitet, što ŭ Krakavie.
«Mianie ŭładkavali na častku staŭki pry kafiedry litaraturnaj kultury pamiežža adździaleńnia pałanistyki. U jakaści navukovaha supracoŭnika ŭ statusie dacenta ja zmahu zajmacca tym, što viedaju i lublu — pisać artykuły pra biełaruska-rasijska-polskaje pamiežža, maich lubimych fiłamataŭ i roznych asob, źviazanych sa šlacham Adama Mickieviča», — raspavioŭ Fiaduta «Našaj Nivie».
Surazmoŭca pryznajecca, što paśla kałonii mocna pieražyvaŭ nakont taho, ci zdoleje paŭnavartasna zajmacca navukaj, «ci nie adniała turma apošnija mazhi», ale padtrymka i pazityŭnyja vodhuki kaleh dakazali, što tut usio ŭ paradku.
Pieršy artykuł Fiaduty, pryśviečany losu spadčyny Adama Mickieviča ŭ archivach rasijskaj palityčnaj palicyi XIX stahodździa, apublikavali ŭ adnym z samych prestyžnych litaraturnych vydańniaŭ Polščy — časopisie «Pamiętnik Literacki», — i jon atrymaŭ maksimalnuju z mahčymych acenku ŭ 100 punktaŭ.
«U Polščy dziejničaje tak zvanaja sistema punktaŭ — kožnamu tvajmu artykułu prysvojvajecca peŭnaja kolkaść u zaležnaści ad taho, na jakoj movie ty apublikavaŭsia, u jakim vydańni, u jakoj krainie i hetak dalej. Paźniej hetyja punkty padsumoŭvajucca, i ad ich zaležyć nie tolki tvoj status jak navukoŭcy, ale i status tvajoj kafiedry i ŭniviersiteta ahułam».
Ciapier u pracy daśledčyka znachodzicca adrazu niekalki artykułaŭ — pa temie litoŭskaha składnika ŭ dramatyčnaj tryłohii Alaksieja Tałstoha, losaŭ Radziviłaŭ i Niaśvižskich archivaŭ, tvorčaści viadomaha polskaha žurnalista Juzafa Pšacłaŭskaha, jaki naradziŭsia ŭ Ružanach.
Artykuły Fiaduta piša na ruskaj movie, ź pierakładam jamu dapamahajuć kalehi.
«Ja pa-polsku i razmaŭlaju, i čytaju, i navat dekan zabaraniŭ mnie vybačacca za maju «drennuju» polskuju, bo, na jaho dumku, jana ŭ mianie prymalnaja. Ale ŭsio ž navukovyja artykuły pavinien pierakładać daśviedčany čałaviek».
Nie vyklučana, što ŭ budučyni častkovaja staŭka na kafiedry transfarmujecca dla daśledčyka ŭ poŭnuju.
«Ale ciapier dla mianie aktualnyja dadatkovyja padpracoŭki, tak što ja praciahnu vystupać ź lekcyjami pa Polščy i blizkich krainach».
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje24
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary