Pošliny ad ekspartu naftapraduktaŭ z rasijskaj nafty u 2015 hodzie buduć całkam zaličvacca ŭ biudžet Biełarusi, paviedamiŭ siońnia žurnalistam vice-premjer RF Arkadź Dvarkovič.
«Tak», — adkazaŭ jon na pytańnie, ci zmoža Biełaruś u nastupnym hodzie pakinuć hetyja pošliny ŭ svaim biudžecie.
«Była damoŭlenaść, što 1,5 miljarda [dalaraŭ] zaličvajecca ŭ biełaruski biudžet, astatniaje — u rasijski, a ciapier usio [u biełaruski biudžet]», — skazaŭ Dvarkovič. Jon udakładniŭ, što takaja damoŭlenaść pakul raspaŭsiudžvajecca na 2015 hod.
Vice-premjer taksama paćvierdziŭ, što Rasija ŭ nastupnym hodzie płanuje pastavić u Biełaruś 23 miljony ton nafty.
Biełaruś štohod pieraličvaje ŭ rasijski biudžet kala 4 miljardaŭ dalaraŭ pošlin ad ekspartu naftapraduktaŭ, vypracavanych z pastaŭlenaj biaspošlinna rasijskaj nafty. Raniej Biełaruś užo damahłasia prava ŭ 2015 hodzie pakinuć u svaim biudžecie 1,5 miljarda dalaraŭ ekspartnych pošlin na naftapradukty.
Paźniej ułady Biełarusi zapytali dadatkovaj kampiensacyi ŭ suviazi z praviadzieńniem padatkovaha manieŭru ŭ RF, jaki praduhledžvaje pastupovaje źnižeńnie ekspartnych pošlin na naftu ź pierakładvańniem fiskalnaj nahruzki na zdabyču, heta značyć z pavyšeńniem PZKV na naftu. Alaksandr Łukašenka aceńvaŭ straty ad padatkovaha manieŭru bolš čym u 1 miljard dalaraŭ.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary