Alaksandar Makajeŭ i Alaksandar Cacura, jakija navat nie ŭdzielničali ŭ mitynhu i šeści, atrymali pa 7 i 10 sutak adpaviedna.
Vinavatym u arhanizacyi niesankcyjanavanaha mitynhu i šeścia da płoščy Niezaležnaści sud Centralnaha rajonu pryznaŭ adnaho z pradprymalnickich lideraŭ Viktara Harbačova. Jon atrymaŭ 15 sutak administracyjnaha aryštu. Viktara Kaleja i Viktara Kryvala ŭ tym ža sudzie abvinavacili ŭ aktyŭnym udziele ŭ niesankcyjanavanym mierapryjemstvie. Prysud — 10 i 15 sutak aryštu adpaviedna. Žurnalista Barysa Hareckaha asudzili na 7 sutak.
Zaŭtra nad A. Makajevym adbudziecca jašče adzin sud — ab 11‑j hadzinie ŭ Leninskim sudzie. Za niekalki dzion da mitynhu jaho zatrymali ŭ ofisie Biełaruskaha kanhresa demakratyčnych prafsajuzaŭ. Z ofisa byli kanfiskavanyja ŭlotki da mitynhu, a suprać Makajeva skłali pratakoł za «drobnaje chulihanstva». U sud pradprymalnika pryviazuć naŭprost z specpryjomnika.
Jak zajaviŭ pres‑centru Chartyi'97 pierad pačatkam sudovaha pracesu sp. Makajeŭ, «pradprymalniki nie pavinny iści na pieramovy z uładami, pakul usie, chto išoŭ u abaronu ich pravoŭ, znachodziacca ŭ turmie».
Prysudy ŭdzielnikam mitynhu vynosili sudździ Jasimovič, Samasiejka, Byčko, Kazak.
Nahadajem, što lidery pradprymalnikaŭ vystavili ŭładam ultymatum: u vypadku, kali chtości z zatrymanych učora pradprymalnikaŭ nia zmoža ŭdzielničać u pieramovach, albo pieramovy hetyja buduć farmalnymi, ci sprobaj zaciahnuć čas, ź 1 studzienia pradprymalniki pačynajuć biesterminovy strajk.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary