Rasija źbirajecca supravadžać u mory handlovyja sudny pad svaimi ściahami
Rasija razhladaje mahčymaść supravadžeńnia sudnaŭ pad rasijskim ściaham mabilnymi ahniavymi hrupami. Pra heta paviedamiŭ pamočnik prezidenta Rasii Mikałaj Patrušaŭ u intervju vydańniu «Kommiersant».
«Ciapier taksama prapracoŭvajecca raźmiaščeńnie na sudnach śpiecyjalnych srodkaŭ abarony. Praduhledžvajucca miery pa kanvajavańni handlovaha fłotu karablami VMF. Usio čaściej adznačajem, što palityka-dypłamatyčnyja i pravavyja miery daloka nie zaŭsiody spracoŭvajuć dla procidziejańnia razhornutaj Zachadam kampanii suprać rasijskaha sudnachodstva», — zajaviŭ Mikałaj Patrušaŭ.
U vypadku źjaŭleńnia novych pahroz na mory z boku jeŭrapiejskich krain rasijski bok vypracuje dadatkovyja miery, raskazaŭ jon.
Niadaŭniuju ataku na rasijski tankier «Arktyk Mietahaz» u Mižziemnym mory Patrušaŭ nazvaŭ «aburalnym vypadkam», jaki RF rasceńvaje jak mižnarodny terakt. Ryzyka terarystyčnych i dyviersijnych pahroz u dačynieńni da sudnaŭ, jakija iduć u rasijskija porty, nie źnižajecca, padkreśliŭ pamočnik prezidenta.
Indyjskija vajskovyja karabli pačali supravadžać tankiery ŭ Armuzskim pralivie
Šviecyja zatrymała ŭ Bałtyjskim mory hruzavoje sudna, jakoje išło ŭ Pieciarburh pad ściaham Hviniei
Paśla ataki ŭ Mižziemnym mory rasijskija ZPH-tankiery mianiajuć maršruty
Suprać zabarony na pieravozki rasijskaj nafty vystupili Hrecyja i Malta
Kamientary