Ad pryvatnikaŭ patrabujuć zavieści ideołaha ŭ štacie — raspytali, što robiać kampanii
Ideołah na dziaržaŭnych pradpryjemstvach — daŭno nie navinka. A voś u mnohich pryvatnikaŭ listy ščaścia ad dziaržaŭnych orhanaŭ z patrabavańniem zavieści ŭ štacie ideołaha vyklikajuć ździŭleńnie — takaja praktyka pačałasia ź minułaha hoda.
Tak, ukazańnie naniać u štat ideołaha niadaŭna pryjšło ŭ architekturnuju studyju ZROBIM architects, čym padzialiŭsia ŭ sacsietkach adzin z suzasnavalnikaŭ Andruś Biezdar. Kolkaść udzielnikaŭ kamandy biuro — bolš za 60 čałaviek.
Padobny list pryjšoŭ i na pryvatnaje pradpryjemstva, jakoje zajmajecca lekami — pra heta raspavioŭ adzin z byłych supracoŭnikaŭ.
«Nam pryjšoŭ zahad ad Ministerstva achovy zdaroŭja ab terminovym stvareńni prafsajuznaj jačejki. Usich sabrali ŭ adnym pakoi, začytała toj list žančyna z adździeła kadraŭ. Nu, davajcie hałasavać. Usie tady prahałasavali suprać, i my razyšlisia».
Nastupny list u kampaniju pryjšoŭ praź miesiacy dva. Jaho ton byŭ bolš strohim.
«Tam užo nastojliva raiłasia stvaryć jačejku dla mahčymaści pracavać dalej. My znoŭ sabralisia, prahałasavali — i znoŭ usie byli suprać».
Pomstaj za heta stała rekamiendavanaja ŭłaśniku źmiena dyrektara i zvalnieńni ludziej, jakich raniej zatrymlivali pa palityčnych artykułach.
«Zamiest staroha hałoŭnaha inžyniera pryjšoŭ «jaki treba» dziadźka. Jon staŭ i ideołaham. Samo saboj, i prafsajuz stvaryli — užo biez usialakich hałasavańniaŭ», — raskazvaje surazmoŭca.
Jašče adzin supracoŭnik pryvatnaj kampanii sa śfiery budaŭnictva raspavioŭ, što ŭ lutym im pryjšoŭ list z «prośbaj» adspravazdačycca pra najaŭnaść ideołaha ŭ štacie.
«Heta było dziŭna, bo nibyta my sami pavinny byli adčuć patrebu ŭ takim śpiecyjaliście, a ŭ nas jak by ŭsie ludzi rabočyja, pracujuć fizična (akramia jurysta i buchhałtarki). Kali zusim prycisnuć, to jak kiraŭnik ja vaźmu abaviazki ideołaha na siabie. Ale na asobnuju adzinku, tym bolš takuju darmajedskuju, u nas dakładna hrošaj lišnich niama. A dyrektaru možna «spałučać». Taksama ideołaham mohuć być namieśniki ci čałaviek z adździeła kadraŭ, jak nam rastłumačyli. Ale ž ja potym budu vymušany niešta raskazvać pra vykananuju pracu…» — u razhublenaści mužčyna.
Dadatkova na pryvatnych pradpryjemstvach praciahvajuć aktyŭna pravodzicca adzinyja dni infarmavańnia, dzie da rabotnikaŭ danosiać ideałahična pravilnuju palitinfarmacyju — najpierš pra Łukašenku i pośpiechi jaho palityki.
Usio heta — łukašenkaŭskaja dyrektyva №12 ad 9 krasavika 2025 hoda «Pra realizacyju asnoŭ ideałohii biełaruskaj dziaržavy» ŭ dziejańni. U tym ža 2025‑m pieršy namieśnik administracyi Uładzimir Piarcoŭ padkreślivaŭ, što ideałahičnaja praca musić raspaŭsiudžvacca na ŭsich subjektaŭ haspadarki, niezaležna ad formy ŭłasnaści.
«Pradstaŭniki pryvatnaha siektara taksama pavinny ŭlivacca ŭ ideałahičnuju pracu. Tam pavinny być stvoranyja jak minimum prafsajuznyja arhanizacyi ci jačejki hramadskich abjadnańniaŭ i palityčnych partyj. Heta našy hramadzianie, i jany nie pavinny być abmiežavanyja ŭ hetych pravach», — davodziŭ jon na naradzie.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary
U hetaj dziaržavie ŭsio dahary nahami: pravami nazyvajuć abaviazki, prafsajuzy pryciskajuć pracoŭnych, ź biespracoŭnych biaruć hrošy, abarona dziaciej praz adbirańnie ŭ baćkoŭ, sacyjalnaja funkcyja jak antysacyjalnaja.
Objaśnitie mnie idieołohiju łukašienko i łukašistov, s jabaťkami ?
U nich niet ni idiei, ni zadač, ni cielej, ni ponimanija dvižienija i napravlenija dvižienija strany ( nie putajem ličnyje, škurnyje cieli s nacionalnymi cielami strany i Naroda Biełarusi).
Jeśli pod ich cielami ponimať uničtožienije vsieho nacionalnoho, biełaruskoho, uničtožienije nacionalnych intieriesov Naroda Biełarusi i intieriesov Nacionalnoho Hosudarstva Biełarusov, to oni nachodiatsia na pravilnom puti, tohda poniatno priednaznačienije etich idieołohov i počiemu oni ich, vsiudu, kak zatyčiek, pichajut vo vsie dyry.
To, čto vydajut za "idieołohiju" łukašienko, łukašisty, jabaťki, eto - nacionalnyje intieriesy russkich, Rośsii, russkoho mira Rośsii v Biełarusi i škurnyje intieriesy siemiejstva łukašienok i ich chołujov, i bolšie - NI-ČIE-HO!
Nacionalnyje smysły biełarusov podmienieny smysłami siemiejstva łukašienok i smysłami russkoho mira Rośsii !