«Biełtelekam» zaklikaje być pilnymi pry zvankach u niedziaržaŭnyja płatnyja infarmacyjnyja słužby

RUP «Biełtelekam» zaklikaje svaich abanientaŭ być pilnymi pry zvarocie ŭ niedziaržaŭnyja płatnyja daviedačna-infarmacyjnyja słužby, paviedamili ŭ pres-słužbie kampanii.

Pavialičyć

U pres-słužbie adznačyli, što apošnim časam učaścilisia zvaroty ŭ «Biełtelekam», źviazanyja z akazańniem nasielnictvu roznymi niedziaržaŭnymi strukturami raznastajnych infarmacyjna-daviedačnych pasłuh pa telefonie. Razmova idzie ab aktyŭna rekłamujemych u srodkach masavaj infarmacyi jurydyčnych kansultacyjach, pasłuhach pa pracaŭładkavańni i h.d. Hetyja pasłuhi pradastaŭlajucca z vykarystańniem trochznačnaha numara abo doŭhich numaroŭ farmataŭ 8-902-AVSchchchch, abo 8-602-60chchchch.

«Skarhi i zvaroty spažyŭcoŭ vyklikany tym, što košt zvanka ŭ takija słužby (jaki dachodzić časam da Br600 tys. za minutu złučeńnia) stanovicca niepryjemnym siurpryzam dla abanienta. Razbory pa kožnym takim zvarocie, jak praviła, pryvodziać da niesuciašalnych dla abanienta vyvadaŭ: u bolšaści vypadkaŭ maje miesca biesturbotnaść spažyŭca - niechta nie dačytaŭ rekłamnuju abjavu da kanca, niechta niaŭvažliva prasłuchaŭ hałasavoje paviedamleńnie, jakoje papiaredničała złučeńniu z apierataram», — skazali ŭ kampanii.

U suviazi z hetym «Biełtelekam» źviartaje ŭvahu na toje, što płatnyja kansultacyi pa fiksavanym telefonie pradastaŭlajuć śpiecyjalisty niedziaržaŭnych daviedačna-infarmacyjnych słužbaŭ, jakija zaklučyli dahavor z kampanijaj. Sa svajho boku «Biełtelekam» zabiaśpiečvaje tolki techničny dostup abanientaŭ da hetych daviedačnych słužbaŭ. Adkaznaść pierad abanientami za pradastaŭleńnie samich daviedačna-infarmacyjnych pasłuh, uklučajučy jakaść akazvajemych pasłuh i vyznačeńnie ich koštu, niasie niepasredna ŭładalnik płatnaj daviedačna-infarmacyjnaj słužby.

Kab zaścierahčy siabie ad niehatyŭnaha vopytu, nieabchodna ŭvažliva vyvučyć rekłamnuju infarmacyju ab umovach pradastaŭleńnia płatnych daviedačna-infarmacyjnych pasłuh, u pryvatnaści, ich košcie. «Dla papiaredžańnia ab tym, što pasłuha płatnaja, i dla pradastaŭleńnia infarmacyi ab svajoj pasłuzie, jurydyčnaja asoba — uładalnik płatnaj daviedačna-infarmacyjnaj słužby, abaviazana raźmiaścić hałasavoje paviedamleńnie na praciahu nietaryfikujemaha intervału. A heta značyć, što hałasavoje paviedamleńnie daviedačnaj słužby pavinna prahučać na praciahu troch siekund. Hetaha času dastatkova dla taho, kab abanient zmoh pakłaści trubku, kali ŭstanoŭleny daviedačna-infarmacyjnaj słužbaj košt pasłuh jaho nie zadavoliŭ, abo abanient pieradumaŭ karystacca hetaj pasłuhaj», — padkreślili ŭ «Biełtelekamie».

Płata za karystańnie pasłuhaj, što pradastaŭlajecca daviedačnaj słužbaj, uklučajecca ŭ ahulny rachunak za pasłuhi elektrasuviazi RUP «Biełtelekam», u jakim pasłuhi płatnaj daviedačnaj słužby stajać asobnaj pazicyjaj. U kampanii źviartajuć uvahu na toje, što pry niazhodzie z vystaŭlenym rachunkam pa pasłuzie płatnaj daviedačna-infarmacyjnaj słužby i admovie apłaty pasłuh, abanient moža apłacić tolki pasłuhi «Biełtelekama». Adklučeńnia telefona ŭ hetym vypadku nie budzie. U nastupnym miesiacy pry apłacie rachunku za pasłuhi elektrasuviazi i niazhodzie z rachunkam pa pasłuzie płatnaj daviedačnaj słužby abanientu nieabchodna paviedamić apierataru ab apłacie tolki pasłuh «Biełtelekama». U advarotnym vypadku hrašovyja sumy pojduć na pahašeńnie doŭhu za papiaredni miesiac, h.zn. za apłatu pasłuh płatnaj daviedačnaj słužby. Rašeńnie pa spahnańni z abanientaŭ zapazyčanaści pa apłacie za daviedačna-infarmacyjnyja pasłuhi ŭładalnik płatnaj daviedačna-infarmacyjnaj słužby prymaje samastojna.

• 0
• 0
• 0
• 0
• 0
• 0
• 0
• 0