Pieciarburhski mastak-akcyjanist Piotr Paŭlenski pravioŭ u instytucie psichijatryi imia Sierbskaha ŭ Maskvie akcyju, padčas jakoj adrezaŭ sabie močku vucha. Fatazdymki z akcyi apublikavanyja ŭ Facebook mastaka ŭ niadzielu 19 kastryčnika.
Paŭlenski pryjšoŭ na akcyju aholenym i adrezaŭ sabie močku vialikim kuchonnym nažom. Akcyja atrymała nazvu «Adździaleńnie».
Takim čynam Paŭlenski vystupiŭ suprać vykarystańnia psichijatryi ŭ palityčnych metach.
«Nož adździalaje močku vucha ad cieła. Bietonnaja ściana psichijatryi adździalaje hramadstva razumnych ad varjacki chvorych. Viartajučy vykarystańnie psichijatryi ŭ palityčnych metach — palicejski aparat viartaje sabie ŭładu vyznačać paroh pamiž rozumam i varjactvam», — havorycca ŭ zajavie mastaka.
Paŭlenski dastaŭleny ŭ Botkinskuju balnicu.
U instytut imia Sierbskaha 13 kastryčnika dastavili dla praviadzieńnia psichijatryčnaj ekśpiertyzy ŭkrainskuju lotčycu Nadzieju Saŭčanku, abvinavačvanuju ŭ Rasii ŭ datyčnaści da hibieli žurnalistaŭ VHTRK pad Łuhanskam. Advakaty nazvali ŭmovy jaje ŭtrymańnia ŭ klinicy «karnaj psichijatryjaj».
Pa ich słovach, abvinavačvanuju faktyčna pazbaŭlajuć snu, a z abaroncami dazvalajuć źviartacca tolki pa telefonie praz škło.
Na minułym tydni Śledčy kamitet adklikaŭ chadajnictva ab praviadzieńni psichijatryčnaj ekśpiertyzy Paŭlenskaha. Jaho abvinavačvajuć u vandaliźmie z-za akcyi «Svaboda» ŭ padtrymku Ukrainy. Pa słovach advakata Dźmitryja Dzinzie, psichijatry trojčy za apošnija dva hady pryznavali Paŭlenskaha psichična zdarovym. Ciapier jon znachodzicca pad padpiskaj ab niavyjeździe.
U kancy lutaha 2014 h. Piotr Paŭlenski i čaćviora jaho paplečnikaŭ padpalili aŭtamabilnyja šyny na Małym Kaniušannym moście ŭ Sankt-Pieciarburhu. Za impravizavanaj barykadaj ź ściaham Ukrainy ŭdzielniki akcyi stukali pałkami ab listy mietału. Praz paŭhadziny pažarnyja patušyli ahoń, a Paŭlenskaha i jaho paplečnikaŭ zatrymali supracoŭniki palicyi.
Piotr Paŭlenski atrymaŭ šyrokuju viadomaść paśla akcyi na Krasnaj płoščy 10 listapada 2013 h, padčas jakoj prybiŭ svaju mašonku da bruku.
U mai minułaha hoda jon abkruciŭsia kalučym drotam kala budynka pieciarburhskaha Zakanadaŭčaha schoda. Letam 2012 hoda mastak zašyŭ sabie rot kala Kazanskaha sabora ŭ Pieciarburhu, pratestujučy suprać pieraśledu Pussy Riot.
Ciapier čytajuć
Połk Kalinoŭskaha paviedamiŭ pra hibiel troch bajcoŭ2
Kamientary