Supraćstajańnie dźviuch chakiejnych kamandaŭ u biełaruskim čempijanacie pierarasło ŭ supraćstajańnie ich hałoŭnych trenieraŭ.
Žłobinski «Mietałurh» prymaŭ «Viciebsk» 19 kastryčnika ŭ miežach biełaruskaj chakiejnaj ekstralihi. Sustreča adbyłasia napružanaj — hałoŭny trenier haściej Dźmitryj Dudzik byŭ vydaleny ŭžo ŭ pieršym pieryjadzie. A skončyŭsia matč (jaki, darečy ź likam 4:0 vyjhraŭ «Mietałurh») bojkami na lodzie. Heta aburyła hałoŭnaha treniera haspadaroŭ sustrečy Paŭła Zubava.
«Zhodny, što chakiej — mužčynskaja hulnia. Ale mužykami ŭ kamandzie pavinny być usio, uklučajučy trenieraŭ. A toje, što zładziŭ u kancoŭcy trenierski štab «Viciebska», składana nazvać mužčynskim učynkam. Vy tady nie na Vosipava kidajciesia, a, naprykład, na Kuvieka, jaki byŭ hatovy pabicca. Davajcie bicca jak mužyki!? — skazaŭ jon na pres-kanfierencyi paśla matča adnamu z trenieraŭ «Viciebska». — Usia arena bačyła, jak vaš «radyst» biehaŭ tudy-siudy, pieradavaŭ pasłańni ad Dudzika. Jon-ta sam zajmaŭsia takimi rečami ŭ bytnaść hulcom? Viečna «smarkatym» byŭ».
Dźmitryj Dudzik na hetaj pres-kanfierencyi nie prysutničaŭ. Adnak, užo na nastupny dzień jon vykazaŭsia praz sajt svajho kłuba.
«U pieršuju čarhu mianie ździviła toje, što padobnaje dazvalaje sabie publičny čałaviek z trenierskaha cecha, jaki pracuje ŭ čužoj dla jaho krainie (Pavieł Zubaŭ – rasiejec). Jon prosta pryjšoŭ u moj dom i pry ŭsich abraziŭ.
Dyk voś, Zubaŭ, 12 listapada (za dzień da zvarotnaj hulni), ja čakaju ciabie ŭ baksiorskim zale ŭ nas u Viciebsku ŭ 20.00. Kali ty nie bajaźliviec i dziašoŭka — ty pryjdzieš, i my ŭsio vyrašym jak mužyki. Honar maju!» – havorycca ŭ zajavie Dudzika.
U svaju čarhu, ni Zubaŭ, ni kiraŭnictva «Mietałurha» na słovy treniera supiernikaŭ pakul što nijak nie adreahavała.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary