U Kamianieckim rajonie 26 kastryčnika trapiŭ u DTZ i zahinuŭ 25-hadovy žychar rajonnaha centra.
Jak paviedamiŭ staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Milukova, prykładna ŭ 8.45 małady čałaviek, jaki znachodziŭsia za rulom svajho aŭtamabila «Sitrajen S4», na lasnoj darozie za 800 mietraŭ ad vioski Kamianiuki źjechaŭ u pravy pa chodzie ruchu kiuviet i ŭrezaŭsia ŭ prydarožnaje dreva. U vyniku avaryi kiroŭca pamior na miescy ad atrymanych cialesnych paškodžańniaŭ.
Pa fakcie DTZ pravodzicca pravierka. Pavodle papiarednich źviestak, aŭtamabilist vybraŭ niebiaśpiečnuju chutkaść ruchu i nie spraviŭsia z kiravańniem transpartnym srodkam. Ustanoŭlena, što zahinuły nie byŭ pryšpileny remieniem biaśpieki. Paśviedčańnie kiroŭcy katehoryi V jon atrymaŭ 18 kastryčnika 2014 hoda.
