У Камянецкім раёне 26 кастрычніка трапіў у ДТЗ і загінуў 25-гадовы жыхар раённага цэнтра.
Як паведаміў старшы інспектар аддзялення па агітацыі і прапагандзе ДАІ УУС Брэсцкага аблвыканкама Наталля Мілюкова, прыкладна ў 8.45 малады чалавек, які знаходзіўся за рулём свайго аўтамабіля «Сітраен С4», на лясной дарозе за 800 метраў ад вёскі Камянюкі з'ехаў у правы па ходзе руху кювет і ўрэзаўся ў прыдарожнае дрэва. У выніку аварыі кіроўца памёр на месцы ад атрыманых цялесных пашкоджанняў.
Па факце ДТЗ праводзіцца праверка. Паводле папярэдніх звестак, аўтамабіліст выбраў небяспечную хуткасць руху і не справіўся з кіраваннем транспартным сродкам. Устаноўлена, што загінулы не быў прышпілены рэменем бяспекі. Пасведчанне кіроўцы катэгорыі В ён атрымаў 18 кастрычніка 2014 года.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары