Namieśnik hieneralnaha sakratara AAN pa kamunikacyjach i hramadzkaj infarmacyi vyraziŭ zhodu.
Zacikaŭlenaść va ŭstalavańni bolš ščylnaha ŭzajemadziejańnia i supracoŭnictva ŭ sfery hramadzkaj infarmacyi vykazali na sustrečy ŭ štab‑kvatery AAN u Ńju‑Jorku namieśnica kiraŭnika Administracyi prezydenta Respubliki Biełarusi Natalla Piatkievič i namieśnik hieneralnaha sakratara AAN pa kamunikacyjach i hramadzkaj infarmacyi Kijo Akasaka.
Natalla Piatkievič zaklikała kiraŭnika infarmacyjnaha padraździaleńnia sakrataryjatu AAN da bolš aktyŭnaha vykarystańnia mahčymaściaŭ systemy AAN dla šyrokaha raspaŭsiudžvańnia na rehularnaj asnovie abjektyŭnaj i zbalansavanaj infarmacyi pra Biełaruś, i, najpierš, pra pośpiechi j dasiahnieńni krainy ŭ vyrašeńni zadač raźvićcia tysiačahodździa, a taksama pra istotny ŭniosak Biełarusi ŭ pracu arhanizacyi. Namieśnica kiraŭnika Administracyi prezydenta adciemiła, što ŭ svaju čarhu ŭ Biełarusi robicca maksymum namahańniaŭ dla taho, kab nacyjanalnyja elektronnyja i drukavanyja srodki masavaj infarmacyi zbalansavana, poŭna i na paŭsiadzionnaj asnovie aśviatlali žyćcio j padziei ŭ AAN.
Namieśnik hieneralnaha sakratara AAN vyraziŭ zhodu z tym. što ŭ pracy infarmacyjnaj słužby AAN bolšy akcent treba rabić na raspaŭsiudžvańnie infarmacyi pra «historyi pośpiechu», pra stanoŭčyja prykłady taho, jak nacyjanalnyja namahańni dziaržaŭ‑siabraŭ AAN dapamahajuć znachodzić adkaz na hlabalnyja vykliki, jakija stajać pierad suśvietnaj supolnaściu.
Pa vynikach susrečy dasiahnutaja damoŭlenaść pra ŭstalavańnie bolš ščylnaha supracoŭnictva miž Biełaruśsiu j sakrataryjatam AAN pa pytańniach hramadzkaj infarmacyi.
Kamientary