Ministr abarony Polščy Tomaš Siemoniak abvierh paviedamleńnie Associated Press, u jakim jon nibyta zajaviŭ pra płany pierakidki na ŭschodniuju miažu krainy tysiač polskich vajskoŭcaŭ. Pavodle jaho słoŭ, ahienctva prosta prydumała zahałovak, vykarystaŭšy ŭ im ličby, jakija jon nikoli nie nazyvaŭ.
«Ja nie kazaŭ ničoha ni pra tysiačy, ni pra sotni sałdat», — napisaŭ Siemoniak ŭ svaim mikrabłohu ŭ Twitter.
Ministr abarony zajaviŭ, što Polšča sapraŭdy źbirajecca pavialičyć kantynhient vajskoŭcaŭ na ŭschodzie krainy, ale heta płanujecca zrabić tolki da 2017 hoda, a nie ciapier. Da taho ž, pa jaho słovach, dakładnuju ličbu vajskoŭcaŭ, jakija buduć pieradysłakavanyja, nazvać pakul nielha, pakolki detali płana pierakidki jašče nie raspracavany da kanca.
«Ja razmaŭlaŭ z AP ŭ čaćvier, hetak ža jak i z brytanskimi ŚMI. Adnak infarmacyja ab «tysiačach vajennych» źjaviłasia tolki ŭ AP», — adznačyŭ Siemoniak ŭ kamientary polskamu vydańniu Wprost.
Intervju ministra abarony Polščy Associated Press było apublikavana ŭ paniadziełak 27 kastryčnika. U im Siemoniak zajaviŭ ab płanach ŭrada uzmacnić ŭschodniuju miažu krainy ŭ suviazi z kryzisam na Ukrainie.
«Hieapalityčnaja situacyja źmianiłasia, my pieražyvajem najbujniejšy kryzis biaśpieki z časoŭ chałodnaj vajny, i my pavinny rabić z hetaha vysnovy», — padkreśliŭ jon. Siemoniak taksama paviedamiŭ, što da 2017 hoda kantynhient vajennych baz u ŭschodniaj miažy budzie pavialičany da 90%, tady jak zaraz kolkaść vajennych tam dasiahaje 30%.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary