Ministerstva finansaŭ Vialikabrytanii płanuje ŭ lutym vydatkavać 218 miljonaŭ funtaŭ sterlinhaŭ (kala $350 miljonaŭ) na vykup kaštoŭnych papieraŭ, jakimi byli refinansavanyja pazyki, atrymanyja brytancami jašče ŭ časy Pieršaj suśvietnaj, Krymskaj i Napaleonaŭskich vojnaŭ.
Ab hetym paviedamiŭ sajt Minfinu Brytanii.
Padčas Pieršaj suśvietnaj brytanski ŭrad dla finansavańnia vajennych dziejańniaŭ vypuskaŭ značnyja abjomy pazykavych ablihacyj i ahitavaŭ nasielnictva kuplać ich.
«Kožny funt, inviestavany ŭ Nacyjanalnyja vajennyja ablihacyi, aznačaje — bolš karabloŭ, bolš ježy, raniej pryjdzie pieramoha», «Nie možaš vajavać, inviestuj stolki, kolki možaš ŭ 5-adsotkavyja ablihacyi» — hučali rekłamnyja słohany.
U 1927 hodzie ministr finansaŭ Uinstan Čerčyl vypuściŭ novyja kaštoŭnyja papiery, jakimi byli zamienienyja šmathadovyja abaviazki ŭradu pa pazykach — jak časoŭ Pieršaj suśvietnaj, hetak i Krymskaj vajny, a taksama tyja, što byli ŭziatyja padčas vojnaŭ z Napaleonaŭskaj Francyjaj i navat u XVIII st.
Hetyja papiery nie mieli aficyjnaj daty vykupu, i ŭrad moža samastojna pryznačać, kali pačynać ich pahašeńnie. Uvieś hety čas pakupniki ablihacyj — u asnoŭnym, pryvatnyja asoby — atrymlivali adsotki pa svaich papierach.
Kamientary