Kampanija Lenovo budzie aficyjna pastaŭlać u Biełaruś smartfony i razumnyja hadzińniki Motorola,
paviedamiŭ kiraŭnik pradstaŭnictva Lenovo ŭ Biełarusi Viejcziań Čžou.
Kiraŭnik pradstaŭnictva Lenovo abiacaje, što pa vyrašeńni arhanizacyjnych pytańniaŭ u Biełaruś buduć pastaŭlacca hadžety pad brendam Lenovo, u tym liku smartfon Nexus 6 i razumny hadzińnik Moto 360. Pavodle jaho prahnozu, heta maje adbycca ŭžo ŭ nastupnym hodzie.
«Bieły» rynak smartfonaŭ u Biełarusi jon aceńvaje ŭ miljon štuk u 2015 hodzie, ź ich Lenovo płanuje zachapić nie mienš za 10%.
Zasnavanaja ŭ 1928 hodzie Motorola była adnym ź pijanieraŭ mabilnaj suviazi i znachodziłasia ŭ šerahu hałoŭnych vytvorcaŭ mabilnych telefonaŭ da 2000-ch, paśla čaho pačała nieści straty. U 2011 hodzie vytvorčaść mabilnych telefonaŭ była vyniesienaja ŭ asobnuju kampaniju Motorola Mobility. U tym ža hodzie kampanija Google kupiła mabilnaje padraździaleńnie za 12,5 młrd dalaraŭ. U 2014 hodzie Google pierapradaŭ jaho kitajskaj Lenovo za 2,9 młrd.
Lenovo — najbujniejšy na siońnia vytvorca piersanalnych kampjutaraŭ i adzn ź piaci najbujniejšych vytvorcaŭ smartfonaŭ. Kampanija była zasnavanaja ŭ 1984 hodzie navukoŭcami kitajskaj Akademii Navuk. U 2004 hodzie vykupiła za 1,25 młrd dalaraŭ padraździaleńnie pa vytvorčaści piersanalnych kampjutaraŭ IBM. Vypuskaje taksama płanšety, sierviery i rabočyja stancyi, telekamunikacyjnaje abstalavańnie.
Ciapier čytajuć
Śpikierka KR Anžalika Mielnikava tajemna vylecieła ŭ Łondan — i prapała30
Kamientary