Siońnia ŭ 150 krainach śvietu pačaŭsia Suśvietny tydzień pradprymalnictva

Ad 17 da 23 listapada ŭ Biełarusi adbudziecca adno z samych prykmietnych mierapryjemstvaŭ u halinie biźniesu - Suśvietny tydzień pradprymalnictva 2014 (gew.by), arhanizatarami jakoha źjaŭlajucca hrupa kampanij BEL.BIZ, Ahienctva «Biźnies-naviny» Doingbusiness.by i Respublikanskaja Kanfiederacyja pradprymalnictva.

Tematyka klučavoj padziei tydnia - IV Mižnarodnaha forumu pradprymalnictva - achopić pytańni pabudovy pradprymalnickaj ekanomiki, finansavańnia małoha i siaredniaha biźniesu, raźvićcia inavacyjnych praduktaŭ i liderstva. Forum projdzie 18 listapada ŭ hateli «Reniesans Minsk» (pr. Dziaržynskaha, 1Je).

Haściej forumu buduć vitać Pasoł Vialikabrytanii Brus Baknieł i Časovy Pavierany ŭ spravach ZŠA ŭ Respublicy Biełaruś Skot Rołand. Vialikabrytanija była inicyjataram tydnia ŭ 2006 hodzie, a ZŠA ŭziali na siabie rolu kaardynatara tydnia va ŭsim śviecie.

Asnoŭnymi śpikierami hetaha dnia stanuć dyrektar IPM Pavieł Daniejka, dyrektar pa markietynhu hrupy kampanij ALUTECH Uładzimir Rybakoŭ, kiraŭnik Biełaruskaha narodnaha banka Kanstancin Cereteli, pradstaŭnik Google u Biełarusi Natalla Karabko, prafiesar IE biźnies-škoły (Ispanija) Fiernanda Karcines, ekśpiert pa dyzajn-myśleńni SAP (Hiermanija) Tobias Džojest, a taksama pradstaŭniki mižnarodnych finansavych arhanizacyj JEBRR i IFC i inšych viadučych kampanij Biełarusi.

Tydzień zavieršycca Startap-kanfierencyjaj, jakaja projdzie 22 listapada ŭ biźnies-kłubie IMAGURU (Fabrycyusa, 4). Kanfierencyja źbiare na adnoj placoŭcy pieradavych pradstaŭnikoŭ jeŭrapiejskaha, amierykanskaha i biełaruskaha startap-asiarodździa. U ramkach kanfierencyi adbuducca vystupy lidaraŭ suśvietnaha rynku vysokich technałohij i zamiežnych startap-supolnaściaŭ, prezientacyi historyj pośpiechu. Pierad udzielnikami kanfierencyi vystupiać pradprymalniki i vienčurnyja inviestary z ZŠA i Jeŭropy - Max Gurvits (Teres Capital), Mila Kiryakow (Bridge Bank, Silicon Valley), Vitaly Golomb (CCC fund), Oliver Kempkings (Skolkovo), Juryj Hurski (Biełaruś) i mnohija inšyja.

Dzień zavieršycca uručeńniem Nacyjanalnaj Premii mientar hoda i finałam startap-spabornictvaŭ BEL.BIZ Battle.

«Unikalnaść śpikieraŭ i raznastajnaść farmataŭ dazvolać udzielnikam tydnia nie tolki aznajomicca z suśvietnym vopytam u śfiery pradprymalnictva, ale i atrymać natchnieńnie i znajści padtrymku dla ŭkaranieńnia ŭ žyćcio novych prajektaŭ. My čakajem, što kožny ŭdzielnik tydnia atrymaje niešta asabista dla siabie - novyja viedy, kantakty, suviazi i novy impuls dla pabudovy abo raźvićcia svajho biźniesu», - adznačyła Taćciana Marynič, kiraŭnik hrupy kampanij BEL.BIZ i suarhanizatar Suśvietnaha tydnia pradprymalnictva ŭ Biełarusi.

Hienieralny partnior tydnia - Ahienctva ZŠA pa mižnarodnym raźvićci. Sponsarami tydnia taksama vystupili Biełaruski Narodny Bank, Asacyjacyja jeŭrapiejskaha biźniesu, JEBRR, PRAAN i kampanija MAPS.ME.

* * *

Suśvietny tydzień pradprymalnictva - heta hłabalnaja inicyjatyva, jakaja abjadnoŭvaje biznesmenaŭ, inviestaraŭ, navukoŭcaŭ i zakanadaŭcaŭ dla raźvićcia pradprymalnictva ŭ 150 krainach śvietu. Hałoŭnaja meta tydnia — stymulavać udzielnikaŭ da realizacyi ŭłasnych idej, natchnić ich na stvareńnie i realizacyju novych prajektaŭ. Kožny dzień tydnia ad 17 da 23 listapada daść mahčymaść udzielnikam abmierkavać chvalujučyja pradprymalnikaŭ pytańni ŭ roznych farmatach mierapryjemstvaŭ: kruhłych stałoŭ, panelnych dyskusij i majstar-kłasaŭ. Daviedacca padrabiaznuju prahramu kožnaha dnia i zarehistravacca možna na sajcie gew.by.

Prahrama i śpikiery Suśvietnaha tydnia pradprymalnictva.

Kupić kvitki na Mižnarodny forum pradprymalnictva.

Kupić kvitki na Mižnarodnuju Startap-kanfierencyju.

• 0
• 0
• 0
• 0
• 0
• 0
• 0
• 0