Salihorskaja milicyja pradjaviła aficyjnaje abvinavačańnie ŭ raspaŭsiudzie parnahrafičnych materyjałaŭ miascovamu maładafrontaŭcu Andreju Tyčynu, paviedamlaje saligorsk.org.
Adnym z epizodaŭ spravy staŭ vyjaŭleny na staroncy maładoha čałavieka ŭ sacyjalnaj sietcy klip viadomaha biełaruskaha hurtu «Raźbitaje Serca Pacana» na pieśniu «Wall-E».
Infarmacyju pra hetuju spravu miascovyja pravaabaroncy ahučyli jašče ŭ vieraśni. Paśla źjaŭleńnia ŭ stalicy šachcioraŭ palityčnych ulotak, antyvajennych hrafici, ukrainskich i bieł-čyrvona-biełych ściahoŭ dy inšych art-akcyjaŭ, u kvaterach miascovych apazicyjanieraŭ adbyŭsia šerah pieratrusaŭ. U aktyvista «Jeŭrapiejskaj Biełarusi» Uładzimiera Lemieša adbyŭsia tak zvany ahlad z vymańniem rečaŭ u miežach spravy za čyrvonuju pałasu. Adbylisia tady pieratrusy i ŭ miascovych maładafrontcaŭcaŭ Andreja Tyčyny i Ivana Šyły. U maładzionaŭ nibyta šukali parnahrafiju, ale kanfiskoŭvali apazicyjnyja ahitacyjnyja materyjały i kampjutarnuju techniku.
Na minułym tydni śledčy Alaksandr Harhun aznajomiŭ Adreja Tyčynu z kryminalnaj spravaj pa artykule 343. Maładziona vinavaciać u raspaŭsiudzie parnahrafičnych materyjałaŭ z vykarystańniem hłabalnaj kampjutarnaj sietki Internet. U čatyroch žartaŭlivych videarolikach na staroncy maładziona ŭ sacyjalnaj sietcy UKantakcie ekśpiertnaja kamisija ŭbačyła elemienty parnahrafii. Adnym z tych videa jość dosyć papularny ŭ siecivie klip biełaruskaha hurta «Raźbitaje Serca Pacana» na pieśniu «Wall-E». Inšy salihorski maładafrontaviec Ivan Šyła prachodzić pa spravie ŭ jakaści śviedki.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami9
Kamientary