Daručeńnie pa adnaŭleńni i pavieličeńni pahałoŭja śviniej u Biełarusi znachodzicca pad pahrozaj zryvu.
Ab hetym zajaviŭ žurnalistam staršynia KDK Biełarusi Leanid Anfimaŭ. Jon siońnia pradstaviŭ u Mahiloŭskim abłvykankamie novaha kiraŭnika Kamiteta dziaržaŭnaha kantrolu Mahiloŭskaj vobłaści Aleha Sadoŭskaha.
Pavodle słoŭ staršyni KDK, pravierki ŭ šerahu rehijonaŭ pakazvajuć, što naležnaj dynamiki, jakaja mahła b adnaznačna śviedčyć ab tym, što daručeńnie budzie vykanana tak, jak hetaha patrabuje kiraŭnik dziaržavy (adnavić pahałoŭje śviniej da taho ŭzroŭniu, jaki byŭ u Biełarusi da situacyi z afrykanskaj čumoj śviniej), niama. Niekatoryja subjekty haspadarańnia, naprykład, u Hrodzienskaj vobłaści, źbirajucca zamiest taho, kab adnaŭlać pahałoŭje, dabicca pavieličeńnia vytvorčaści śvininy za košt prybaŭleńniaŭ u vazie. «Ale na siońniašni dzień i prybaŭleńniaŭ u vazie, jaki mahli b kampiensavać pahałoŭje, na žal, niama», - kanstatavaŭ Leanid Anfimaŭ.
«Tamu ja chaču skazać, što heta daručeńnie kiraŭnika dziaržavy znachodzicca pad pahrozaj zryvu. Pakul my nazirajem z boku orhanaŭ miascovaj ułady i ahraryjaŭ chaatyčny ruch u hetym napramku: miery byccam by i prymajucca, ale pakul naležnaha efiektu nie vidać», - skazaŭ Leanid Anfimaŭ.
Akaŭnt Kabančuka ŭzłamali — ale ci biełaruskija śpiecsłužby?11
Kamientary