Pieramožca papularnaha rasijskaha šou «Fabryka zorak» (2007) i ŭdzielnik Rasii na «Jeŭrabačańni» (2009) ukrainskaja śpiavačka Anastasija Prychodźka admoviłasia ad rasijskich uznaharodaŭ i vystaviła «załatyja talerki» na dabračynny aŭkcyjon, a hrošy adpravić bajcam u zonu ATA.
Naścia Prychodźka viečaram 1 śniežnia prezientavała videaklip, pryśviečany ŭkrainskim bajcam — «Hieroi nie pamirajuć». Padčas prezientacyi śpiavačka demanstratyŭna vyniesła na scenu «załatyja talerki», jakija jana atrymała na rasijskim «Muz-TV» i «Fabrycy zorak».
«Ja admoviłasia ad usich rasijskich uznaharodaŭ. Kali ŭ niekaha jašče i byli jakija-niebudź sumnievy, spadziajusia ich bolš niama i nie budzie.
Chaču, vielmi chaču kab hetyja «ŭznaharody» prynieśli karyść. Dapamahli našym bajcam-sałdatam i dobraachvotnikam, a vata chaj aburajecca: «Dakul ruskija ŭznaharody buduć banderaŭcam dapamahać!». Mnie na ich naplavać! Mnie hałoŭnaje, kab našy Hieroi viarnulisia dadomu… Słava Ukrajini!, — napisała Naścia ŭ toj ža viečar na svajoj staroncy ŭ Fejsbuku.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary