U tradycyjnym śviatočnym pasłańni Urbi et Orbi Benedykt XVI zaklikaŭ šukać spraviadlivaje rašeńnie kanfliktaŭ na Blizkim Uschodzie, u Iraku, Afrycy i paŭsiul pa śviecie.
Jon taksama rašuča asudziŭ teraryzm i hvałt. Pantyfik vystupaŭ z bałkonu saboru śviatoha Piatra. Pasłuchać jaho pryjšli tysiačy viernikaŭ.
«Niachaj zaźziaje nad śvietam śviatło Chrysta i pryniasie jano suciašeńnie tym, chto pakutuje ŭ zmroku biednaści, niespraviadlivaści i vajny», ‑‑ skazaŭ Papa.
Jon zaklikaŭ suśvietnych lideraŭ «prajavić mudraść i mužnaść, kab šukać i znajści čałaviečnyja, spraviadlivyja i daŭhaviečnyja rašeńni etničnych, relihijnyz i palityčnych kanfliktaŭ», jakija «razburajuć unutranuju budovu mnohich krain i mižnarodnyja dačynieńni».
Vystup Benedykta XVI tranślavaŭsia ŭ žyvym etery na niekalki dziasiatkaŭ dziaržavaŭ, u tym liku i na Biełaruś. Tradycyjna Papa skončyŭ svaju pramovu śviatočnymi vitańniami prykładna na 60 movach.
Kamientary