У традыцыйным сьвяточным пасланьні Urbi et Orbi Бэнэдыкт XVI заклікаў шукаць справядлівае рашэньне канфліктаў на Блізкім Усходзе, у Іраку, Афрыцы і паўсюль па сьвеце.
Ён таксама рашуча асудзіў тэрарызм і гвалт. Пантыфік выступаў з балкону сабору сьвятога Пятра. Паслухаць яго прыйшлі тысячы вернікаў.
«Няхай зазьзяе над сьветам сьвятло Хрыста і прынясе яно суцяшэньне тым, хто пакутуе ў змроку беднасьці, несправядлівасьці і вайны», ‑‑ сказаў Папа.
Ён заклікаў сусьветных лідэраў «праявіць мудрасьць і мужнасьць, каб шукаць і знайсьці чалавечныя, справядлівыя і даўгавечныя рашэньні этнічных, рэлігійныз і палітычных канфліктаў», якія «разбураюць унутраную будову многіх краін і міжнародныя дачыненьні».
Выступ Бэнэдыкта XVI трансьляваўся ў жывым этэры на некалькі дзясяткаў дзяржаваў, у тым ліку і на Беларусь. Традыцыйна Папа скончыў сваю прамову сьвяточнымі вітаньнямі прыкладна на 60 мовах.
Цяпер чытаюць
Гістарычныя +40,4°C у Пінску — гэта толькі разагрэў. Беларусь уваходзіць у новую кліматычную эру і на вачах стане лесастэпам8
Каментары