Publičnaja lekcyja Andreja Alaksandrava — 17 śniežnia, 19.00, CECH (pr. Niezaležnaści, 58/6).

Mižnarodny kansorcyum «JeŭraBiełaruś», Latučy ŭniviersitet i «Biełaruski žurnał» zaprašajuć na adkrytuju lekcyju biełaruskaha žurnalista, daśledčyka miedyjaśfiery Andreja Alaksandrava «Chto budzie płacić za jakasnuju žurnalistyku?»
Žurnalistyka – svabodnaja, niezaležnaja, jakasnaja – była i zastajecca važnym instrumientam budavańnia zdarovaha hramadstva, a ŚMI – istotnaj placoŭkaj dla hramadskaj dyskusii. Ale ŭ naš čas, čas novych miedyjaŭ i panavańnia interneta, tradycyjnaja biznes-madel navinovych miedyjaŭ rujnujecca. Aktualnym stanovicca pytańnie: chto i jakim čynam budzie apłočvać jakasnuju i niezaležnuju žurnalistyku?
Suśvietnyja navinovyja miedyi šukajuć adkazy na hetaje pytańnie. Uźnikajuć i apraboŭvajucca novyja biznes-madeli, adnak jašče nichto nie znajšoŭ kančatkovaha adkazu, nichto jašče nie kryknuŭ «Eŭryka! Žurnalistyka ŭratavanaja!».
Ci mahčyma ŭžyvać u Biełarusi madeli manietyzacyi navinovych ŚMI, jakija zaraz apraboŭvajucca na Zachadzie? Ci stvarajuć biełaruskija žurnalisty kantent, za jaki možna płacić? I što takoje ŭvohule «jakasnaja žurnalistyka»? Jakim čynam biełaruskija žurnalisty adkazvajuć pierad hramadstvam, ad jakoha čakajuć «apłaty» svajoj pracy, – i ci čakajuć jany jaje ŭvohule? Zaprašajem vas parazvažać nad hetymi pytańniami razam z Andrejam Alaksandravym padčas lekcyi.
Adkrytaja lekcyja«Chto budzie płacić za jakasnuju žurnalistyku?»adbudziecca 17 śniežnia na placoŭcy «CECH» (pr-t Niezaležnaści, 58/6).
Na sajcie Latučaha ŭniviersiteta možna budzie dałučycca da anłajn-tranślacyi lekcyi.
Pačatak u 19.00. Uvachod volny!
Mierapryjemstva adbudziecca ŭ miežach cykła adkrytych lekcyj «Hałoŭnaje pytańnie», pieršaja častka jakoha prajšła ŭ vieraśni-kastryčniku hetaha hoda. Kali ŭ «pieršym siezonie» pra «hałoŭnyja pytańni» razvažali siabry Kalehiŭma Latučaha Ŭniviersiteta – intelektuały, navukoŭcy dy daśledčyki, to hetym razam my zaprasili da ŭdziełu pradstaŭnikoŭ adnoj z samych dynamičnych dy pradlemnych śfier – śfiery miedya, srodkaŭ masavaj infarmacyi dy kamunikacyi.
Kamientary