Litoŭskaja čyhunačnaja kampanija Lietuvos gelezinkeliai aficyjna atrymała list Rasii z paviedamleńniem pra toje, što z hetaha času ŭ Rasiju nie buduć puskać ciahniki z praduktami, što iduć tranzitam praź Biełaruś u krainy Mytnaha sajuza i Azii.
Jak adznačaje litoŭskaja dziełavaja hazieta Verslo zinios, pieršaj achviaraj zabarony staŭ hruz masła ŭ 1 tys. ton, jaki ruchaŭsia ŭ Uźbiekistan.
«Kali Maskva zajaviła ab embarha na pradukty, nam na praciahu tydnia viarnuli 32 vahony z praduktami. Zaraz čarhovaje vialikaje źmianieńnie. Straty niepaźbiežnyja, adnak ich maštab nie jasny», — skazaŭ u intervju Verslo zinios kiraŭnik dyrekcyi Lietuvos gelezinkeliai pa pytańniach pieravozki hruzaŭ Stasis Hudvalis.
Pavodle jaho słoŭ, Rasija adznačyła, što charčovyja pradukty možna vieźci praz Łatviju ci Ukrainu, a kiraŭniki Biełaruskaj čyhunki ŭžo viaduć pieramovy z kalehami ŭ Maskvie, ale pryniasuć jany vyniki - niezrazumieła.
Kamientary