Adzinaj ujaznoj vizy Biełarusi i Rasii być nie moža, zajaviŭ pasoł RF Alaksandr Surykaŭ 17 śniežnia na pres-kanfierencyi ŭ Minsku.
Jon rastłumačyŭ, što heta źviazana ź jurydyčnymi tonkaściami isnavańnia Sajuznaj dziaržavy Biełarusi i Rasii. «Jość Sajuznaja dziaržava de-fakta, ale jana nie źjaŭlajecca subjektam jurydyčnaha prava, tamu što nie pryniali kanstytucyju i hetak dalej, — skazaŭ jon. — Heta jašče kali my nabiaromsia razumieńnia ŭ hetym pytańni, stvorym jaje jak subjekt jurydyčnaha mižnarodnaha prava, tady moža isnavać ujaznaja viza Sajuznaj dziaržavy».
Pavodle słoŭ Surykava, na hety momant razmova idzie tolki ab pryznańni viz Rasii i Biełarusi. «Vydała Biełaruś vizu hramadzianinu, umoŭna, Polščy, jana sapraŭdnaja i na ŭjezd u Rasiju, voś pra što idzie razmova, — skazaŭ dypłamat. — Tut praca pavoli ruchajecca. Dumaju, pakul dva MZS pracujuć, konsulskija departamienty pracujuć».
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary