Ambasada ZŠA ŭ Biełarusi prakamentavała zajavu Alaksandra Łukašenki ad 30 śniežnia.
«ZŠA paśladoŭna kazali biełaruskim uładam, što my praciahniem prymać miery adnosna biełaruskich čynoŭnikaŭ i tych, chto niasie adkaznaść za parušeńnie pravoŭ čałavieka, ucisk demakratyi i karupcyju, jakija jany vykarystoŭvajuć jak instrument utrymańnia ŭłady», ‑‑ zajaŭlaje Ambasada ZŠA.
«My taksama hatovyja pryniać naležnyja miery adnosna abjektaŭ, jakija znachodziacca va ŭłasnaści albo kantralujucca takimi asobami. Zajava ambasadarki ZŠA Karen Stjuart na hety kont na presavaj kanferencyi 13 śniežnia była zroblenaja ŭ poŭnaj adpaviednaści z palitykaj Złučanych Štataŭ.
A kluč da palapšeńnia amerykana‑biełaruskich stasunkaŭ zastajecca ŭ rukach Biełarusi. Heta vyzvaleńnie ŭsich palitźniavolenych i zachavańnie asnovatvornych demakratyčnych normaŭ, uklučna z svabodaj vykazvańniaŭ, schodaŭ i asacyjacyj. My hatovyja pazytyŭna adreahavać na rašeńnie ŭładaŭ ab vyzvaleńni ŭsich palitźniavolenych. Taki krok moh by adkryć šlach da doŭhačakanaha palapšeńnia stasunkaŭ», ‑‑ havorycca ŭ zajavie.
30 śniežnia Alaksandar Łukašenka pryhraziŭ vysłać ambasadara ZŠA, kali Złučanyja Štaty Ameryki ŭviaduć novyja sankcyi suprać Biełarusi.Alaksandar Łukašenka zajaviŭ: «Jak tolki buduć uviedzieny istotnyja dla našaj ekanomiki sankcyi, to my adreahujem vielmi žorstka pa ŭsich nakirunkach, u palitycy, u ekanomicy i inšych sferach. Pieršy, chto budzie vyšpurnuty, heta budzie ambasadar Złučanych Štataŭ».
Raniej na presavaj kanferencyi ambasadarka ZŠA zajaviła ŭ Miensku, što amerykanski ŭrad abdumvaje ŭviadzieńnie dadatkovych sankcyj adnosna biełaruskich pradpryjemstvaŭ u 2008 hodzie.
-
Pad Minskam adkryli zavod, dzie robaty vypuskajuć duchavyja šafy
-
«Časta na «chimii» składana rabić samyja prostyja rečy». Cichanoŭskaja vykazała spačuvańni z pryčyny śmierci Aleny Pankovaj
-
Biełaruska, jakaja vyrablaje broški ŭ vyhladzie dziaŭčat z čyrvona-zialonymi kakošnikami, ščyra nie razumieje, čamu jaje krytykujuć
Ciapier čytajuć
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»8
Ananimy — historyi biełarusaŭ, jakim prychodzicca šyfravacca, bo režym ličyć ich dziejnaść «kryminałam»
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary