Bank Rasii sa śniežnia zapuściŭ novy servis pa pieradačy finansavych paviedamleńniaŭ u farmatach SWIFT unutry krainy, paviedamiła pres-słužba rehulatara.
Na fonie paharšeńnia stasunkaŭ Rasii i Zachada i ŭviadzieńnia ŭzajemnych sankcyj pačali hučać zakliki adklučyć rasijskija banki ad sistemy mižbankaŭskich raźlikaŭ SWIFT. Sama sistema pakul zajaŭlaje, što adčuvaje cisk z boku šerahu krain, jakija nastojvajuć na jaje dałučeńni da antyrasiejskich sankcyj, adnak nie maje namieru paddavacca.
Raniej namieśnik kiraŭnika departamienta nacyjanalnaj płaciežnaj sistemy CB Ramila Kanafina kazała, što rehulatar płanuje da maja 2015 zaviaršyć pracu pa stvareńni rasijskaha anałaha SWIFT.
«Bank Rasii sa śniežnia 2014 pradastaviŭ kredytnym arhanizacyjam novy servis pa pieradačy finansavych paviedamleńniaŭ u farmatach SWIFT pa ŭnutryrasijskich apieracyjach. Padklučeńnie bankaŭ ažyćciaŭlajecca šlacham zaklučeńnia adpaviednych dahavoraŭ z Bankam Rasii», — havorycca ŭ paviedamleńni CB.
Rehulatar adznačaje, što novaja pasłuha dazvolić kredytnym arhanizacyjam pieradavać paviedamleńni ŭ farmatach SWIFT praz Bank Rasii va ŭsich rehijonach i biez abmiežavańniaŭ.
«Novy servis realizavany ŭ metach zabieśpiačeńnia bieśpierabojnaści i biaśpieki pieradačy finansavych paviedamleńniaŭ ŭnutry krainy i źjaŭlajecca čarhovym krokam u napramku ŭdaskanaleńnia sistemy pasłuh, jakija pradstaŭlajucca Bankam Rasii», — upeŭnienyja ŭ Banku Rasii.
Kiraŭnik departamienta nacyjanalnaj płaciežnaj sistemy CB RF Ała Bakina ŭ listapadzie kazała, što ŭ stvaranym Bankam Rasii anałahu sistemy mižbankaŭskich pierakładaŭ SWIFT ceny na pieradaču finansavych paviedamleńniaŭ buduć supastaŭnymi z anałahičnymi servisami na rynku.
Praz SWIFT prachodziać apłatnyja daručeńni bolš čym na 6 tryljonaŭ dołaraŭ, u joj udzielničajuć bolš za 10 tysiač finansavych arhanizacyj u 210 krainach. Pavodle statuta SWIFT, u kožnaj krainie, jakaja ŭdzielničaje ŭ sistemie, stvarajucca nacyjanalnyja hrupy členaŭ i karystalnikaŭ SWIFT. U Rasii takoj arhanizacyjaj źjaŭlajecca «Rasśvift».
-
«Ja ŭžo adnojčy ŭciakaŭ ad dyktatury». U ZŠA syna biełaruskaha palityčnaha ŭciekača chočuć departavać pa novaj schiemie Trampa
-
Biełaruskija ajcišniki źjazdžajuć ź Litvy? Jak źmianiajecca kolkaść biełarusaŭ u Litvie pa typach DNŽ
-
«Rasijskija mu-mu vyhladajuć blednavata». Što pra ataki Izraila na Iran pišuć rasijskija vajenkary
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary