Pačałasia pravierka metavaha vykarystańnia dačnych učastkaŭ, niametavyja buduć kanfiskoŭvać

U Minskim rajonie buduć adbirać dačnyja ŭčastki, jakija vykarystoŭvajucca nie pa metavym pryznačeńni.

Pra heta 9 studzienia zajaviŭ načalnik ziemleŭparadkavalnaj słužby Minskaha rajvykankama Siarhiej Šymuk, pieradaje BiełTA.

Pravierka metavaha vykarystańnia dačnych učastkaŭ pad Minskam užo viadziecca. «Asablivaja ŭvaha nadajecca tavarystvam, stvoranym u apošni čas. Vyjaŭlena kala 50 ziamielnych učastkaŭ, jakija vykarystoŭvajucca nieefiektyŭna», — raspavioŭ Siarhiej Šymuk..

Jon źviarnuŭ uvahu, što nichto nie budzie prymušać vieści haspadarku na ŭčastku zimoj, ale pa miery nabližeńnia dačnaha siezonu taki manitorynh budzie praviedzieny.

Miechanizmy kanfiskacyi učastkaŭ prapisany ŭ dziejučym zakanadaŭstvie. Naprykład, kali ŭčastak znachodzicca va ŭłasnaści, to jon adbirajecca ŭ sudovym paradku. U niekatorych vypadkach ŭčastak moža być adabrany pa rašeńni rajonnaha vykankama. Kanfiskavanyja ŭčastki buduć vystaŭlenyja na aŭkcyjon.

Načalnik ziemleŭparadkavalnaj słužby Minabłvykankama Viktar Manievič rastłumačyŭ, što ŭładalniku dačnaha ŭčastka, dzie vyjaŭlenyja parušeńni, budzie nakiravana pradpisańnie z ukazańniem terminaŭ, na praciahu jakich nieabchodna prystupić da vykarystańnia ziamli pa metavym pryznačeńni.

«Kali hramadzianin atrymlivaje dačny ŭčastak, jon pavinien razumieć, što ziamla pradastaŭlajecca jamu nie prosta tak. Na praciahu hoda nieabchodna prystupić da jaje metavaha vykarystańnia. Kali hetaha nie adbyłosia, to možna zapuskać praceduru spynieńnia pravoŭ na hety ŭčastak, — rastłumačyŭ Viktar Manievič. — Što tyčycca učastkaŭ dla viadzieńnia kalektyŭnaha sadavodstva, to tam nie abaviazkova pavinny być pabudovy «.

Pavodle jaho słoŭ, kali jość kulturnyja raśliny, terytoryja dobraŭparadkavana i ŭ naležnym sanitarnym stanie, to pretenzijaŭ niama.

Z 1 studzienia 2015 hoda pačała dziejničać zabarona na ździełki ź ziamielnymi ŭčastkami ŭ pryharadnaj zonie Minska i abłasnych centraŭ dla viadzieńnia kalektyŭnaha sadavodstva, i z raźmieščanymi na ich abjektami nieruchomaści da zakančeńnia piaci hadoŭ z dnia dziaržaŭnaj rehistracyi ŭźniknieńnia pravoŭ na takija ziamielnyja ŭčastki, a taksama zabarona na stvareńnie ŭ pryharadnaj zonie Minska novych sadavodčych tavarystvaŭ, dačnych kaapieratyvaŭ.

Akramia taho, z 1 studzienia svabodnyja ziamielnyja ŭčastki ŭ sadavodčych tavarystvach ŭ pryharadnaj zonie Minska buduć pradastaŭlacca vyklučna pa vynikach aŭkcyjonaŭ.

• 0
• 0
• 0
• 0
• 0
• 0
• 0
• 0