Novym hienieralnym dyrektaram futbolnaha kłuba «Dynama-Minsk» pryznačany Alim Sielimaŭ, jaki źmianiŭ na hetaj pasadzie Siarhieja Paŭlukoviča. Takoje rašeńnie było pryniata na schodzie akcyjanieraŭ minskaha «Dynama».
Alim Sielimaŭ dvojčy stanaviŭsia čempijonam śvietu pa hreka-rymskaj baraćbie (2005, 2011), byŭ udzielnikam Alimpijskich hulniaŭ, u 2011 hodzie pryznany lepšym spartsmienam Biełarusi, a ŭ 2012 hodzie staŭ zasłužanym majstram sportu. 26 studzienia jamu spoŭnicca 32 hady.
Tym časam u składzie srebnych pryzioraŭ čempijanatu Biełarusi-2014 adbylisia pieramieny. U pryvatnaści, dynamaŭski kłub pakinuli abaroncy Dźmitryj Mołaš, Andrej Zaleski, paŭabaroncy Słabadan Simavič (pierajšoŭ u «Słovan», Bracisłava, Słavakija), Ernan Fihiereda («Deportes Tolima», Kałumbija), napadajučy Dža Džedže («Chibiernijan», Edynburh, Šatłandyja ), vystaŭleny na tranśfier forvard Adama Dyjamande.
Były hałoŭny trenier dynamaŭcaŭ Uładzimir Žuraviel nieŭzabavie moža ŭvajści ŭ trenierski štab lidara čempijanatu Małdovy kišynioŭskaj «Dačyi», jakuju budzie treniravać jašče adzin biełaruski śpiecyjalist Aleh Kubaraŭ, da hetaha ŭznačalvaŭ kišynioŭski kłub «Zimbru».
Ciapier čytajuć
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1515
Kamientary