U Indyi aryštavali mužčynu, jaki žyŭcom zakapaŭ svajo dzicia, tamu što jano było dziaŭčynkaj, piša The Mirror. Abduł Chusejn źviazaŭ małuju, zakleiŭ rot i zakapaŭ u ziamlu, pakul jaho žonki nie było doma.
Aryštavany za sprobu pachavać žyvuju dačku pryznaŭsia, što zrabiŭ heta tamu, što jana była žanočaha połu.
Pavodle infarmacyi palicyi, šakavalny incydent adbyŭsia ŭ horadzie Trypury. Abduł Chusejn vykapaŭ jamu ŭ svaim sadzie za domam, i, pakul jaho žonka adsutničała, pasadziŭ u hetuju jamu svaju małaletniuju dačku, jakuju papiarednie pieramataŭ skotčam.
Jon zakapaŭ dziaŭčynku amal pa hrudzi, ale tut dadomu viarnułasia jaho žonka. Žančyna ździviłasia, što dziciaci niama doma, i pačała šukać dziaŭčynku. Kab maci ničoha nie zaŭvažyła, baćka nakinuŭ na hałavu i ruki małoj bambukavy košyk, pakolki mieŭ namier krychu paźniej zaviaršyć svaju raspravu nad dačkoj i całkam zakapać jaje ŭ ziamlu.
Adnak žonka Abduła pačała mocna pieražyvać z-za taho, što nie mahła znajści dačku. Małuju nieŭzabavie znajšli susiedzi. Jany razam z maci dziaŭčynki źbili baćku, nie čakajučy pryjezdu palicyi.
Pravaachoŭniki aryštavali Abduła za zamach na zabojstva dziciaci, i ciapier jaho čakaje sud.
Kamientary