Kiraŭniki ministerstvaŭ zamiežnych spraŭ Rasii, Ukrainy, Francyi i Hiermanii ŭ ramkach sustrečy pa Ukrainie damovilisia ab stvareńni bufiernych zon pamiž prarasijskimi sieparatystami i ŭzbrojenymi siłami Ukrainy. Pra heta paviedamlaje Reuters ŭ čaćvier, 22 studzienia, sa spasyłkaj na kiraŭnika hiermanskaha MZS Franka-Valtera Štajnmajera.
Pa słovach Štajnmajera, na pieramovach u Bierlinie dasiahnuty «značny prahres». Udzielniki sustrečy damovilisia stvaryć demarkacyjnuju liniju, ź jakoj pavinny być vyviedzienyja ciažkija ŭzbrajeńni.
«Siońnia narešcie było parazumieńnie, što ad paznačanaj u Minskich damoŭlenaściach demarkacyjnaj linii z hetaha momantu pavinien pačacca praces advodu ciažkich uzbrajeńniaŭ», — adznačyŭ kiraŭnik MZS Hiermanii.
Kiraŭnik rasijskaha zamiežnapalityčnaha viedamstva na bryfinhu paśla pieramovaŭ zajaviŭ ab nieabchodnaści chutčejšaha pačatku pracy kantaktnaj hrupy pa advodzie ciažkich uzbrajeńniaŭ.
«Kali heta (advod uzbrajeńniaŭ) adbudziecca, to my zmožam kazać ab istotnaj deeskałacyi isnujučaha kanfliktu», — skazaŭ Łaŭroŭ.
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu16
Kamientary