Кіраўнікі міністэрстваў замежных спраў Расіі, Украіны, Францыі і Германіі ў рамках сустрэчы па Украіне дамовіліся аб стварэнні буферных зон паміж прарасійскімі сепаратыстамі і ўзброенымі сіламі Украіны. Пра гэта паведамляе Reuters ў чацвер, 22 студзеня, са спасылкай на кіраўніка германскага МЗС Франка-Вальтэра Штайнмаера.
Па словах Штайнмаера, на перамовах у Берліне дасягнуты «значны прагрэс». Удзельнікі сустрэчы дамовіліся стварыць дэмаркацыйную лінію, з якой павінны быць выведзеныя цяжкія ўзбраенні.
«Сёння нарэшце было паразуменне, што ад пазначанай у Мінскіх дамоўленасцях дэмаркацыйнай лініі з гэтага моманту павінен пачацца працэс адводу цяжкіх узбраенняў», — адзначыў кіраўнік МЗС Германіі.
Кіраўнік расійскага замежнапалітычнага ведамства на брыфінгу пасля перамоваў заявіў аб неабходнасці хутчэйшага пачатку працы кантактнай групы па адводзе цяжкіх узбраенняў.
«Калі гэта (адвод узбраенняў) адбудзецца, то мы зможам казаць аб істотнай дээскалацыі існуючага канфлікту», — сказаў Лаўроў.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію26
Каментары