Łukašenka zahadaŭ, kab «Narodnaja vola» štodnia lažała na jaho stale
Na pres-kanfierencyi 29 studzienia Alaksandr Łukašenka rasparadziŭsia, kab hazieta «Narodnaja vola» štodnia lažała na jaho stale. Pra heta jon zajaviŭ paśla vystupu hałoŭnaha redaktara «Narodnaj voli» Iosifa Siaredziča, jaki raspavioŭ pra papiaredžańni, vyniesienyja haziecie Ministerstvam infarmacyi.
«Nie strašna, što ludzi pišuć pra toje, što jość na samoj spravie. Mnie ŭ «Narodnaj voli» nie padabajecca tendencyjnaść. Ale, napeŭna, u hetym možna abvinavacić i Jakuboviča (hałoŭny redaktar haziety «Sovietskaja Biełoruśsija. Biełaruś siehodnia»). U jaho taksama inšaja zadadzienaść, jašče ŭ kahości», — skazaŭ Łukašenka.
Jon paviedamiŭ, što «Narodnaja vola» pradajecca ŭ kijosku ŭ Administracyi prezidenta. «My nikoha nie zabaraniajem. Niachaj čytajuć ludzi», — zapeŭniŭ Łukašenka.
Na repliku Siaredziča «Ananič (ministr infarmacyi Lilija Ananič) kinuła mnie palčatku, ja vymušany jaje padniać», Łukašenka adkazaŭ: «Kali ja Ananič pryznačaŭ, ja dumaŭ, što jana miakkaciełaja. Ni Siaredziču, ni kamu nie zrobić zaŭvahi».
Na iraničnuju prapanovu Siaredziča dasłać ministra infarmacyi da ich «na praktyku», Łukašenka zapiarečyŭ: «Tolki nie ŭ «Narodnuju volu», nie treba. Niachaj u «Savieckaj Biełarusii» praktykujecca».
Jak paviedamlałasia raniej, «Narodnaj voli» pahražaje zakryćcio z-za dvuch aficyjnych papiaredžańniaŭ, vyniesienych Mininfarmam na praciahu 2014 hoda. Sproby vydańnia asprečyć rašeńnie ministerstva byli biespaśpiachovymi.
Ciapier čytajuć
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary