На прэс-канферэнцыі 29 студзеня Аляксандр Лукашэнка распарадзіўся, каб газета «Народная воля» штодня ляжала на яго стале. Пра гэта ён заявіў пасля выступу галоўнага рэдактара «Народнай волі» Іосіфа Сярэдзіча, які распавёў пра папярэджанні, вынесеныя газеце Міністэрствам інфармацыі.
«Не страшна, што людзі пішуць пра тое, што ёсць на самой справе. Мне ў «Народнай волі» не падабаецца тэндэнцыйнасць. Але, напэўна, у гэтым можна абвінаваціць і Якубовіча (галоўны рэдактар газеты «Советская Белоруссия. Беларусь сегодня»). У яго таксама іншая зададзенасць, яшчэ ў кагосьці», — сказаў Лукашэнка.
Ён паведаміў, што «Народная воля» прадаецца ў кіёску ў Адміністрацыі прэзідэнта. «Мы нікога не забараняем. Няхай чытаюць людзі», — запэўніў Лукашэнка.
На рэпліку Сярэдзіча «Ананіч (міністр інфармацыі Лілія Ананіч) кінула мне пальчатку, я вымушаны яе падняць», Лукашэнка адказаў: «Калі я Ананіч прызначаў, я думаў, што яна мяккацелая. Ні Сярэдзічу, ні каму не зробіць заўвагі».
На іранічную прапанову Сярэдзіча даслаць міністра інфармацыі да іх «на практыку», Лукашэнка запярэчыў: «Толькі не ў «Народную волю», не трэба. Няхай у «Савецкай Беларусіі» практыкуецца».
Як паведамлялася раней, «Народнай волі» пагражае закрыццё з-за двух афіцыйных папярэджанняў, вынесеных Мінінфармам на працягу 2014 года. Спробы выдання аспрэчыць рашэнне міністэрства былі беспаспяховымі.
-
Каталіцкі сайт: На Першым канале каталіцкая імша засталася, знікла яна з канала «Культура»
-
Азаронак пра закрыццё беларускіх крам: Прыбралі таму, што вы гэта любілі. Мне не лянота сядзець і глядзець, дзе што прадаюць
-
Ціханоўская: Калі мы не пазбавімся гэтага рэжыму, пагроза з тэрыторыі Беларусі будзе заставацца пастаяннай
Каментары