Rašeńnie Minekanomiki nie źmienić taryfy mižsietkavaha trafiku dla abanientaŭ
Abmiežavańnie cen na propusk mižsietkavaha trafiku tyčycca tolki ŭzajemaadnosin kampanij, patłumačyli «Našaj Nivie» pradstaŭniki biełaruskich apierataraŭ.
Pastanova Minekanomiki №5 ad 16 studzienia 2015 hoda vyznačyła maksimalny taryf na propusk mižsietkavaha trafiku pa Biełarusi — jon skłaŭ 82 rubli na chvilinu.
Ale pastanova nie značyć, što apierataram pryjdziecca mianiać ceny na telefanavańni.
«Pastanova ŭstalavała maksimalna mahčymy taryf na propusk mižsietkavaha trafiku pamiž apieratarami sotavaj suviazi i kampanijami, praź jakich mabilnyja apieratary abmieńvajucca hałasavym trafikam, — raspavioŭ pres-sakratar MTS Juryj Mironaŭ. — Što tyčycca taryfaŭ dla abanientaŭ, to pamiery abanienckaj płaty albo košt telefanavańnia ŭ inšuju sietku i na haradskija numary zastajucca na raniejšym uzroŭni».
«U dadzienym vypadku havorka idzie pra ŭzajemaraźliki pamiž kampanijami, a nie pra taryfy na zvanki ŭ inšyja sietki i stacyjanarnyja telefony dla abanientaŭ, — dadaŭ jon. — Takim čynam, adna z kampanij, jakaja «złučaje» mabilnych apierataraŭ pamiž saboj, pa-raniejšamu moža ŭstalavać dla apieratara MTS luby taryf na propusk mižsietkavaha trafiku, ale ŭžo ŭ miežach 82 rubloŭ za chvilinu».
Adsutnaść upłyvu pastanovy naŭprost na taryfy paćvierdziła i pres-sakratar life:) Julija Špak: «Źmieny nie datyčacca adnosin apieratara i abanienta, heta ŭnutranyja adnosiny miž apieratarami i pasrednikami».
Pavodle jaje słoŭ, zapłanavanyja biudžety zastanucca na starym uzroŭni: «Lubaja kampanija płanuje biudžety z ulikam mahčymych źmien u ekanomicy i na tym rynku, dzie jana pracuje. Abanienty źmien nie adčujuć».
«My sychodzim z taho, što kampanii, što majuć prava na tranzitny mižsietkavy trafik («Biełtelekam», BeCloud), nie buduć pavialičvać ceny pasłuh pa tranzicie, — adznačyli ŭ velcom. — Adpaviedna i taryf dla kaniečnaha karystalnika zastaniecca niaźmiennym».
Ciapier čytajuć
«Zachodziš u kamieru, a jany kažuć: «My z taboj admaŭlajemsia siadzieć». Cichanoŭski raskazaŭ, jak sutyknuŭsia z prablemaj nizkaha statusu12
Kamientary