Mataroła: «Biełarusy narmalnyja chłopcy, mnie tolki nie padabajecca, što ich Baćka na 15 hadoŭ pasadzić choča»
«Naša Niva» dazvaniłasia da bajevika Mataroły (sapraŭdnaje imia Arsienij Paŭłaŭ). Heta adzin z najbolš viadomych dziejačaŭ tak zvanaj «Danieckaj narodnaj respubliki».
Mataroła — 30-hadovy ŭradženiec Respubliki Komi Rasii. Słužyŭ u marskoj piachocie, braŭ udzieł u vajnie ŭ Čačni. Za abaronu Słavianska ŭznaharodžany «Hieorhijeŭskim kryžam DNR».
Ad samaha pačatku Mataroła pierakonvaŭ, što havaryć biełaruskim ŚMI jamu niama čaho. Ad hutarki admaŭlaŭsia, ale paru pytańniaŭ zadać usio ž udałosia.
«U mianie ŭ Biełarusi svajaki, ciotka žyvie niedaloka ad Biełaviežskaj puščy, — skazaŭ «NN» Mataroła. — Ja tam u jaje byvaŭ».
U svaim intervju haziecie «Zaŭtra» ad 19 červienia 2014 hoda Arsienij Paŭłaŭ paviedamiŭ pra najaŭnaść u Rasii žonki i piacihadovaha syna. U toj ža čas ŚMI zahavaryli pra Matarołu, paśla taho jak jon 11 lipienia ažaniŭsia z žycharkaj Danbasa, 21-hadovaj Alenaj Kalenkinaj. Na viasielli ŭ jakaści zaprošanych haściej prysutničali pieršyja asoby DNR, u tym liku ministr abarony Ihar Strałkoŭ i palityčny lidar «Narodnaha apałčeńnia Danbasa» Pavieł Hubaraŭ. Viasielle stała temaj repartažaŭ usich asnoŭnych rasijskich ŚMI.
My papytalisia, kolki biełarusaŭ słužyć u atradach «DNR». «Chapaje, usie narmalnyja chłopcy. Mnie tolki nie padabajecca, što vaš Baćka choča ich pasadzić u turmu na 15 hadoŭ».
Ci vieryć Mataroła ŭ «minskija pahadnieńni»? «Ja nie viedaju navat, što tam zaklučali, mianie ž tam nie było». Jakaja abstanoŭka ciapier u Danieckaj vobłaści? «Niestabilnaja», — adkazaŭ Mataroła. Dalej praciahvać razmovu jon nie zachacieŭ.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»31
Kamientary