«My pravieryli pa hetym pytańni spravy pa horadzie Miensku, pa mnohich sudach. I pryjšli da vysnovy, što, u pryncypie, usio abhruntavanaje. My dumali, što, moža być, prablema jość surjoznaja abmiežavańnia pravoŭ hramadzian, ale pahladzieli, vyvučyli praktyku pa spravach — niama takoj prablemy», — raskazaŭ sudździa Kanstytucyjnaha sudu Valancin Šuklin.
Kanstytucyjny sud pryjšoŭ da vysnovy, što pry składańni śpisaŭ «nievyjaznych» hramadzian nie byli parušanyja pravy hramadzian. Sudździa Kanstytucyjnaha sudu Valancin Šuklin paviedamiŭ, što rašeńni mienskich sudoŭ pra pazbaŭleńnie hramadzian prava na vyjezd za miažu byli dastatkova abhruntavanymi, i parušeńniaŭ tam niama.
«My pravieryli pa hetym pytańni spravy pa horadzie Miensku, pa mnohich sudach. I pryjšli da vysnovy, što, u pryncypie, usio abhruntavanaje. My dumali, što, moža być, prablema jość surjoznaja abmiežavańnia pravoŭ hramadzian, ale pahladzieli, vyvučyli praktyku pa spravach — niama takoj prablemy», — raskazaŭ Valancin Šuklin.
Sudździa Kanstytucyjnaha sudu padkreśliŭ, što časovyja abmiežavańni dla vyjezdu niekatorych hramadzian, jakija isnujuć, «całkam abhruntavanyja, — paviedamlaje «Eŭrapiejskaje radyjo dla Biełarusi».
Valancin Šuklin adznačyŭ, što śpisy «nievyjaznych» isnavali j raniej. Adnak ad sioleta śpisy «nievyjaznych», jakija znachodzilisia ŭ roznych instancyjach, abjadnali ŭ adnu bazu.
Były sudździa Kanstytucyjnaha sudu Valer Fadziejeŭ ličyć, što ŭ vypadku vyznačeńnia «nievyjaznych» hramadzian mohuć paŭstać razychodžańni miž zakonam i pravaprymianieńniem.
«Jość prava, a jość pravaprymianieńnie. Ja bajusia, što jany buduć razychodziacca, jak heta časta byvaje. Jość norma prava, a kali jana prymianiajecca na praktycy, jaje traktujuć pašyrana, i paŭstajuć prablemy. Takija rečy zaŭždy niebiaśpiečnyja. Asabliva ŭ dačynieńni da tych hramadzian, jakija jakimści čynam zaśviečanyja ŭ palitycy», — miarkuje Valer Fadziejeŭ.
Były sud́dzia Kanstytucyjnaha sudu taksama ličyć, što nielha abmiažoŭvać prava na vyjezd za miažu hramadzianam, jakija abvinavačvajucca va ŭčynieńni złačynstvaŭ:
«Možna, viadoma, kazać, što jon (abvinavačany) moža źniknuć, ale my musim najpierš dumać pra pravy čałavieka», — ličyć Valer Fadziejeŭ.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»35
Kamientary