Strašnaja trahiedyja ŭ Mastoŭskim rajonie.
Pažar zdaryŭsia 8 sakavika ŭ vioscy Nackava Mastoŭskaha rajona kala18.37. Hareli dva žyłyja damy.
Kali ahoń patušyli, u adnym z damoŭ znajšli try dziciačyja trupy: dziaŭčynak 2008 i 2009 hadoŭ naradžeńnia i 3-hadovaha chłopčyka. Padčas pažaru baćkoŭ doma nie było.
«Śledčyja ŭstanavili, što siamja źjaŭlajecca paśpiachovaj. Abodva baćki 1989 naradžeńnia pracujuć, kłapociacca pra dziaciej, nie złoŭžyvajuć śpirtnym. 8 sakavika kala 17 hadzin baćka dziaciej adpraviŭsia ŭ susiedniuju viosku sustrakać žonku, jakaja viartałasia ad baćkoŭ. Kali ŭbačyŭ pažarnyja mašyny, jakija imčalisia, adčuŭ niadobraje i viarnuŭsia dadomu. Žadajučy vyratavać dziaciej, sprabavaŭ uvajści ŭ pałajučy dom. Ułasnymi rukami prymaŭ ich niežyvyja cieły ad pažarnych», — paviedamili va ŭpraŭleńni Śledčaha kamiteta pa Hrodzienskaj vobłaści.
Miarkujecca, što pryčynaj pažaru stała svavolstva dziaciej z ahniom. Pažar pačaŭsia z šafy, na jakoj haspadar zachoŭvaŭ cyharety i zapałki. Kali zaharełasia, sami dzieci vybracca z chaty nie zmahli: byli zamkniony ŭ pakoi, uvachodnyja dźviery baćka taksama zamknuŭ.
Pravierka praciahvajecca.
Kamientary