Na adnaho z udzielnikaŭ akcyi pradprymalnikaŭ zaviedziena kryminalnaja sprava
Andreja Kima vinavaciać u tym, što jon udaryŭ supracoŭnika DAI i raśsiek jamu bryvo da kryvi.
Pavodle hetaha artykułu Andreju pahražaje ad troch miesiacaŭ da šaści hadoŭ źniavoleńnia. Chłopiec pakul znachodzicca ŭ specpryjomniku‑raźmierkavalniku na Akreścina, dzie adbyvaje administracyjny aryšt. 22 studzienia jon byŭ pakarany, pavodle dvuch pratakołaŭ, sudom Centralnaha rajonu Miensku (sudździa – Taciana Paŭlučyk) 10 sutkami administracyjnaha aryštu, a taksama 1 młn 050 rublami štrafu.
Maci Andreja kaža, što paśla zatrymańnia jaho zavieźli ŭ RUUS Centralnaha rajonu Miensku, dzie zaviali dźvie administracyjnyja spravy i adnu kryminalnuju. Paźniej kryminalnaja była pieradadzienaja ŭ rajonnuju prakuraturu.
Pavodle jaje słovaŭ, śledčy prakuratury Łuhin skazaŭ, što majucca videamateryjały złačynstva. Nibyta Andrej Kim padčas sutyčki kala HUMu ŭdaryŭ supracoŭnika DAI kułakom u tvar i raśsiek tamu bryvo da kryvi. Andrej svaju vinu admaŭlaje.
U prakuratury ad kamentaroŭ admovilisia, navat nie paćvierdziŭšy, ci zaviedziena kryminalnaja sprava ŭ dačynieńni da Andreja Kima.
U dadzieny momant rodnyja i siabry Andreja šukajuć videamateryjały taho incydentu kala HUMU, kab pradstavić u prakuraturu ŭ jakaści dokazu nievinavataści chłopca.
Kamientary