Antrapołahi zrazumieli, čamu ŭ čałavieka jość padbarodździe
Jaho nam «adraścili» našyja ža kulinarnyja talenty.
Amierykanskija antrapołahi vyśvietlili, što čałaviečaje padbarodździe nie było srodkam dla pryvablivańnia procilehłaha połu ci vypadkovaj evalucyjaj. Svajo daśledavańnie navukoŭcy apublikavali ŭ časopisie Journal of Human Evolution.
Blizkija rodzičy čałavieka, šympanze i haryły, nie majuć padbarodździaŭ. Takaja rysa tvaru źjaviłasia tolki ŭ čałavieka, kali toj adasobiŭsia ad inšych prymataŭ.
Raniej padbarodździ ličylisia vynikam vypadkovych źmien u hienach. Bolš sučasnaja teoryja kaža ab tym, što vialikaje padbarodździe ŭ samcoŭ čałavieka demanstravała samkam vysoki ŭzrovień testasteronu svajho nośbita, ale hetkaja teoryja nie tłumačyła najaŭnaść padbarodździaŭ u samak.
Pavodle novych raźlikaŭ navukoŭcaŭ, padbarodździ ŭ prodkaŭ čałavieka, Homo erectus, chutčej za ŭsio źjavilisia kala 2 młn hod tamu, kali čałaviek pačaŭ hatavać ježu.
Z hatavańniem ježy kštałtu varanaha miasa nahruzka na zuby i skivicy źniziłasia. Mahutnyja zuby stali niepatrebnymi — jany pačali źmianšacca, a pabočnym vynikam ich źmianšeńnia stali znajomyja nam padbarodździ.
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva11
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3131
Kamientary